તહેરાન,ઈરાન અને ઇઝરાયલ વચ્ચેના યુદ્ધ વચ્ચે ઈરાનના રિવોલ્યુશનરી ગાર્ડ કોર્પ્સએ બેન્જામિન નેતન્યાહૂના મૃત્યુની અફવાઓ અંગે સોશિયલ મીડિયા પર એક મોટું નિવેદન જારી કરીને આગમાં ઘી હોમ્યું છે. રવિવારે જારી કરાયેલા એક નિવેદનમાં ઈરાનના રિવોલ્યુશનરી ગાર્ડ કોર્પ્સએ કહ્યું, જાે ગુનેગાર વડા પ્રધાન હજુ પણ જીવંત છે, તો અમે અમારી બધી શક્તિથી તેનો પીછો કરીશું અને તેને મારી નાખીશું.” તેઓએ નેતન્યાહૂને “બાળ હત્યારો” ગણાવ્યો. ઈરાનના રિવોલ્યુશનરી ગાર્ડ કોર્પ્સ અનુસાર, નેતન્યાહૂ માર્યા ગયા હતા કે તેમના પરિવાર સાથે ભાગી ગયા હતા તે અંગેની અનિશ્ચિતતા ઇઝરાયલી સમાજમાં ઊંડી અશાંતિ ફેલાવી રહી છે. ઘણા સોશિયલ મીડિયા વપરાશકર્તાઓ દાવો કરી રહ્યા છે કે નેતન્યાહૂ ઈરાની હુમલામાં માર્યા ગયા હતા, જ્યારે અન્ય લોકો કહે છે કે તેઓ ઘણા દિવસોથી જાહેરમાં જાેવા મળ્યા નથી અને કોઈ મહત્વપૂર્ણ સુરક્ષા બેઠકોમાં હાજરી આપી નથી. શુક્રવારે, નેતન્યાહૂએ તેમના ભૂતપૂર્વ ટ્વિટર એકાઉન્ટ પર યુએસ-ઇઝરાયલ-ઈરાન યુદ્ધ સંબંધિત એક પ્રેસ કોન્ફરન્સનો વીડિયો શેર કર્યો. વીડિયોમાં, કેટલાક યુઝર્સે દાવો કર્યો હતો કે નેતન્યાહૂના જમણા હાથ પર છ આંગળીઓ દેખાય છે, જેને તેઓએ “ક્લાસિક એઆઇ ફિંગર ગ્લિચ“ તરીકે વર્ણવ્યું હતું. વીડિયોમાં ૦:૩૫ સેકન્ડે, જ્યારે તે પોતાનો હાથ ઊંચો કરે છે, ત્યારે નાની આંગળી પાસે માંસનો એક વધારાનો ટુકડો દેખાય છે, જેને ઘણા લોકોએ છઠ્ઠી આંગળી તરીકે અર્થઘટન કર્યું છે. આના કારણે અફવાઓ ફેલાઈ હતી કે વીડિયો એઆઇ દ્વારા જનરેટ થયેલો છે. નેતન્યાહૂના કાર્યાલયે જવાબ આપ્યો, આ નકલી સમાચાર છે.