દિલ્હી-

ચીનના વિદેશ મંત્રાલયના પ્રવક્તાએ શુક્રવારે ચેતવણી આપી હતી કે જો યુએસએ 'વી ચેટ' પર પ્રતિબંધ મૂક્યો છે, તો ચીનના લોકો પણ એપલ કંપનીનો બહિષ્કાર કરશે. તમને જણાવી દઈએ કે, અમેરિકામાં સોશિયલ મીડિયા એપ વી ચેટ બંધ કરવાની ઝડપથી માંગ છે. એવી શક્યતા છે કે અમેરિકા તેને ખૂબ જલ્દીથી બંધ કરી શકે.યુએસ પ્રમુખ ડોનાલ્ડ ટ્રમ્પે ચેટ અને વીડિયો એપ ટિક-ટોક પર પ્રતિબંધ મૂકવાની વાત કરી છે. આ બંને એપ્સ પર સપ્ટેમ્બર મહિનામાં પ્રતિબંધ હોઈ શકે છે. ટ્રમ્પે આક્ષેપ કર્યો છે કે આવી એપ્લિકેશન રાષ્ટ્રીય સુરક્ષાને ખતરો છે. ટ્રમ્પની ઘોષણા પછી અમેરિકા અને ચીનમાં આ ચર્ચા વધી છે.

આ પછી, ચીનના વિદેશ મંત્રાલયના પ્રવક્તા ઝાઓ લિજિઅને શુક્રવારે એક ટ્વિટમાં લખ્યું છે કે, જો વીચેટ પર પ્રતિબંધ છે, તો ચીની લોકોને આઇફોન અને એપલ ઉત્પાદનોનો ઉપયોગ કરવાનું કોઈ કારણ દેખાતું નથી. ઝાઓએ કહ્યું કે ચીની લોકો પહેલેથી જ કહી રહ્યા છે કે જો વેચેટ પર પ્રતિબંધ છે તો તેઓ આઇફોનનો ઉપયોગ પણ બંધ કરી દેશે.