ન્યૂ દિલ્હી

બુધવારે સવારે જમ્મુ-કાશ્મીરના પુલવામામાં સુરક્ષા દળોએ એક એન્કાઉન્ટરમાં ત્રણ આતંકીઓને ઠાર કર્યા હતા. જેમાં પાકિસ્તાની લશ્કરના કમાન્ડર એજાઝ ઉર્ફે અબુ હુરાઇરાનો સમાવેશ થાય છે. અન્ય બે સ્થાનિક આતંકવાદી છે. સ્થળ પરથી શસ્ત્રો મળી આવ્યા છે. મૃતદેહોને પણ કબજે લેવામાં આવી છે. કહેવામાં આવી રહ્યું છે કે બાતમીના આધારે આ વિસ્તારમાં સર્ચ ઓપરેશન શરૂ કરાયું હતું. દરમિયાન એક મકાનમાં છુપાયેલા આતંકીઓએ સુરક્ષા દળો પર ફાયરિંગ શરૂ કરી દીધી હતી. જવાબી કાર્યવાહીમાં ત્રણેય આતંકવાદીઓ માર્યા ગયા હતા.

અરનિયા સેક્ટરના આકાશમાં એક શંકાસ્પદ વસ્તુ જોવા મળી હતી. જમ્મુ-કાશ્મીરના આર્નીયા સેક્ટરમાં મંગળવારે રાત્રે આકાશમાં લાલ બત્તીવાળી એક ચીજ જોવા મળી હતી. જ્યારે બોર્ડર સિક્યુરિટી ફોર્સે તેના પર ફાયરિંગ કર્યું ત્યારે તે પાકિસ્તાન પાછું ફર્યુ. તે ડ્રોન હતું કે બીજું કંઈક, તે અંગે હજી પુષ્ટિ મળી નથી. બીજી તરફ, જમ્મુ-કાશ્મીરના પૂંચ વિસ્તારમાં એલઓસીની બાજુમાં યુદ્ધવિરામના સમાચાર છે. તેને ધ્યાનમાં રાખીને સરહદ પર સૈનિકોને એલર્ટ કરી દેવાયા છે.

એનએસજી (નેશનલ સિક્યુરિટી ગાર્ડ) ની સ્પેશિયલ બોમ્બ સ્ક્વોડ ટીમ ડ્રોન એટેક પાછળ એરફોર્સ સ્ટેશન બ્લાસ્ટની તપાસ કરી રહી છે. અત્યાર સુધીની તપાસમાં આરડીએક્સ અને ટીએનટી વિસ્ફોટકોનો ઉપયોગ સામે આવી રહ્યો છે. એવું કહેવામાં આવી રહ્યું છે કે સરહદની બીજી બાજુ પાકિસ્તાનથી ડ્રોન કંટ્રોલ કરવામાં આવી રહ્યું હતું. જો કે એજન્સી સ્થાનિક હેન્ડલર્સની સંડોવણીને ધ્યાનમાં રાખીને પણ તપાસ કરી રહી છે.


Comments

કોમેન્ટ પોસ્ટ કરવા માટે લાગિન કરો