નવીદિલ્હી: પોતાના વિવાદાસ્પદ નિવેદનોને કારણે હંમેશા હેડલાઈન્સમાં રહેતા ઈસ્લામિક ઉપદેશક ઝાકિર નાઈકને પાકિસ્તાને આમંત્રણ આપ્યું છે. ભારતમાં ઝાકિર નાઈક વિરુદ્ધ ેંછઁછ હેઠળ મની લોન્ડરિંગ અને ભડકાઉ ભાષણ આપવા બદલ કેસ નોંધવામાં આવ્યો હતો. પાકિસ્તાન તરફથી મળેલા આમંત્રણની માહિતી ખુદ ઝાકિર નાઈકે આપી છે.

ઝાકિર નાઈકે પોતાના સોશિયલ મીડિયા હેન્ડલ પર એક પોસ્ટર શેર કર્યું છે તેણે કહ્યું કે તે અને તેનો પુત્ર પાકિસ્તાનના ત્રણ શહેરોમાં ભાષણ આપશે. તેઓ કરાચીમાં ૫-૬ ઓક્ટોબરે, લાહોરમાં ૧૨-૧૩ ઓક્ટોબર અને ઈસ્લામાબાદમાં ૧૯-૨૦ ઓક્ટોબરે જનતાને સંબોધિત કરશે. તાજેતરમાં, ઝાકિર નાઈકે પાકિસ્તાની યુટ્યુબરના પોડકાસ્ટમાં ભારત પરત ફરવા, તેમની સામેના આરોપો અને પીએમ મોદી વિશે વાત કરી હતી. આરોપોને કારણે ઝાકિર નાઈક ૨૦૧૬માં ભારતથી મલેશિયા ગયો હતો.

જ્યારે નાઈકને ભારત પાછા આવવા અંગે પ્રશ્ન પૂછવામાં આવ્યો ત્યારે તેણે કટાક્ષ કરતા કહ્યું કે, ભારત જવું ખૂબ જ સરળ છે, પરંતુ ત્યાંથી બહાર નીકળવું મુશ્કેલ છે. જ્યારે હું ભારત જઈશ ત્યારે રેડ કાર્પેટ પાથરવામાં આવશે અને મને અંદર આવીને જેલમાં બેસવાનું કહેવામાં આવશે. ઇસ્લામિક વિદ્વાનએ એમ પણ કહ્યું, “હું તેમની યાદીમાં નંબર વન આતંકવાદી છું.”

પોતાના પર લાગેલા આરોપો અંગે ઝાકિર નાઈકે કહ્યું કે, મારા પર ઘણા આરોપો લગાવવામાં આવ્યા છે, પરંતુ એક પણ આરોપ સાબિત થયો નથી. તેણે કહ્યું, મારા પર આરોપો બાંગ્લાદેશના હુમલાથી શરૂ થયા હતા. ૧ જુલાઈ ૨૦૧૬ના રોજ આતંકવાદી હુમલો થયો હતો, આ હુમલામાં ૪-૫ આતંકવાદીઓ સામેલ હતા. એક આતંકવાદી મારો ફેસબુક ફોલોઅર હતો અને તેના પર મારાથી પ્રેરિત આતંકવાદી હુમલો કરવાનો આરોપ હતો. ઝાકિર નાઈકે પીએમ મોદી વિશે કહ્યું, અત્યાર સુધી તેમના છેલ્લા ૧૦ વર્ષ ઘણા સારા હતા, પરંતુ આ લોકસભા ચૂંટણીમાં તેમની લોકપ્રિયતામાં ઘટાડો થયો છે.

મહાથિર મોહમ્મદની આગેવાની હેઠળની અગાઉની સરકાર દ્વારા ઇસ્લામિક ઉપદેશકને મલેશિયામાં કાયમી નિવાસની પરવાનગી આપવામાં આવી હતી. મલેશિયાના વડાપ્રધાન અનવર ઈબ્રાહિમે ઝાકિર નાઈકને લઈને ભારતની વિનંતી પર વિચાર કરવાનો સંકેત આપ્યો હતો. તેમણે કહ્યું કે સૌ પ્રથમ, આ મુદ્દો (ભારતીય પક્ષે) ઉઠાવ્યો ન હતો, વડાપ્રધાન (નરેન્દ્ર મોદીએ) તેને ઘણા વર્ષો પહેલા ઉઠાવ્યો હતો, પરંતુ મુદ્દો એ છે કે હું કોઈ વ્યક્તિની વાત નથી કરી રહ્યો. હું ઉગ્રવાદની ભાવના, એક આકર્ષક કેસ અને પુરાવા વિશે વાત કરી રહ્યો છું. જે કોઈપણ વ્યક્તિ અથવા જૂથ અથવા જૂથ અથવા પક્ષો દ્વારા આચરવામાં આવતા અત્યાચારો દર્શાવે છે, જે કોઈપણ વ્યક્તિ અથવા જૂથ અથવા જૂથ અથવા પક્ષો દ્વારા કરવામાં આવેલા મહાપાપને સાબિત કરે છે.

તેમણે કહ્યું, અમે આતંકવાદને પ્રોત્સાહન આપીશું નહીં... આ અંગે અમારું વલણ સ્પષ્ટ છે અને અમે આતંકવાદ વિરુદ્ધ આમાંથી ઘણા મુદ્દાઓ પર ભારત સાથે કામ કરી રહ્યા છીએ. પરંતુ મને નથી લાગતું કે આ એક મુદ્દાને કારણે અમારા વધુ સહકાર અને અમારા દ્વિપક્ષીય સંબંધોમાં અવરોધ સર્જવો જાેઈએ.