દિલ્હી-

દેશમાં ડીઝલ અને પેટ્રોલના વધતા ભાવોને લઈને, કોંગ્રેસે દેશભરમાં 'આક્રોશ દીવસ' ઉજવીને, કેન્દ્ર સરકાર સામે વિરોધ નોંધાવ્યો હતો. આ પ્રસંગે કોંગ્રેસ મહાસચિવ પ્રિયંકા ગાંધી વાડ્રાએ, ભારતીય જનતા પાર્ટી પર ગંભીર આક્ષેપો કર્યા છે. પ્રિયંકા ગાંધીએ ટિ્‌વટ કર્યું હતુ કે," મોદી સરકારે પેટ રોગચાળા દરમિયાન પેટ્રોલ અને ડીઝલ પર 2.74 લાખ કરોડ રૂપિયાનો ટેક્સ વસૂલ કર્યો છે. પરંતુ મોદી સરકારે આ નાણાંનો સકારાત્મક ઉપયોગ કર્યો નથી." તેમણે કહ્યું કે, " જો સરકારે આ નાણાંનો ઉપયોગ કર્યો હોત, તો તે આખા ભારત માટે 67000 કરોડ રૂપિયાની રસી ખરીદી શકત અને 718 જિલ્લાઓમાં ઓક્સિજન પ્લાન્ટ લગાવી શક્યા હોત. એઈમ્સ 29 રાજ્યોમાં હોસ્પિટલો શરૂ કરી શકે છે. 25 કરોડ ગરીબોને 6000 રૂપિયાની સહાય આપી શક્યા હોત. પરંતુ જનતાને તેમાંથી કાંઈ મળ્યુ નહીં." આ સાથે જ કોંગ્રેસના નેતા અને લોકસભાના સાંસદ રાહુલ ગાંધીએ પણ ટ્વીટ કરીને, કેન્દ્ર સરકાર પર નિશાન સાધ્યુ છે. રાહુલે કહ્યુ કે, " ભાજપ શાસનકાળમાં તેલના ભાવ આકાશને સ્પર્શ્યા છે. અર્થતંત્ર ની કરોડરજ્જુ તૂટી ગઈ છે. બેરોજગારી ચરમસીમાએ છે. દેશના યુવાનો મુશ્કેલી ભોગવી રહ્યા છે." રાહુલે કહ્યું કે, "ભાજપ સંપૂર્ણ પને નિષ્ફળ ગઈ છે. તે જનતા સાથે છેતર પીડી કરી રહી છે."


Comments

કોમેન્ટ પોસ્ટ કરવા માટે લાગિન કરો