ભારતીય અર્થતંત્ર અને ખેતી જેના પર ર્નિભર છે તેવા ચોમાસાને લઈને સૌથી મોટા સમાચાર સામે આવ્યા છે. ખાનગી હવામાન એજન્સી સ્કાયમેટે વર્ષ ૨૦૨૬ માટે તેનું પ્રથમ સત્તાવાર ચોમાસું અનુમાન જાહેર કર્યું છે. જાેકે, આ વર્ષે ખેડૂતો અને સામાન્ય જનતા માટે ચિંતાના સમાચાર એ છે કે વરસાદી તસવીર બહુ ઉજળી દેખાઈ રહી નથી. સ્કાયમેટના રિપોર્ટ અનુસાર, આ વર્ષે ભારતમાં ચોમાસું સામાન્ય કરતા ઓછું રહેવાની શક્યતા છે. જૂનથી સપ્ટેમ્બર દરમિયાન કુલ વરસાદ તેના લાંબા ગાળાના સરેરાશ(ન્ઁછ)ના ૯૪ ટકા જેટલો જ વરસે તેવો અંદાજ છે.

એક તરફ જૂનમાં સારી શરૂઆતની અપેક્ષા છે, તો બીજી તરફ જુલાઈથી સપ્ટેમ્બર વચ્ચે વરસાદ નબળો પડવાનો અંદાજ છે. સૌથી મોટું કારણ અલ નીનોની સંભવિત વાપસી જણાવવામાં આવી રહ્યું છે. એટલે કે, શરૂઆતની રાહત પછી ચોમાસાની ગતિ ધીમી પડી શકે છે, જેની સીધી અસર ખેતી, મોંઘવારી અને દેશની અર્થવ્યવસ્થા પર પડશે.