ગુજરાતમાં નવા કેપ્ટન નવી ટીમ તૈયાર, જાણો કોને કોને લાગ્યું જેકપોટ

લોકસત્તા જનસત્તા ન્યૂઝ ડેસ્ક

16, સપ્ટેમ્બર 2021 | 1881

ગાંધીનગર-

ગુજરાતમાં વિજય રૂપાણીએ રાજીનામું આપતા નવા મુખ્યમંત્રી ભૂપેન્દ્ર પટેલ બન્યા હતા. જે બાદ આખી ગુજરાત સરકારનાં મંત્રીઓમાં ફેરફાર કરી દેવામાં આવતા રાજકીય ભૂકંપ આવી ગયાની સ્થિતિ સર્જાઇ છે. જોકે, રિસામણા-મનામણા સાથે ગુરૂવારે બપોરે ગુજરાતની નવી કેબિનેટ શપથ ગ્રહણ કરવામાં આવ્યા હતા. ગુજરાતના નવા મંત્રીમંડળની શપથવિધિની પહેલીવારમાં રાજેન્દ્ર ત્રિવેદી, જીતુ વાઘાણી, ઋષિકેશ પટેલ, પૂર્ણેશ મોદી, રાધવજી પટેલે શપથ લીધા છે. આ તમામમાં પૂર્ણેશ મોદીનું નામ ચર્ચામાં ક્યારેય આવ્યું ન હતું. તેઓ દક્ષિણ ગુજરાતનું પ્રતિનિધિત્વ કરે છે. ભૂપેન્દ્ર પટેલના મંત્રી મંડળમાં ભૂપેન્દ્ર પટેલ સહિત અત્યાર સુધીના લિસ્ટ પ્રમાણે 7 પાટીદારનો સમાવેશ થાય છે. આ પટેલ નેતાઓમાં ઋષિકેશ પટેલ, વીનુ મોરડીયા, અરવિંદ રૈયાણી, રાઘવજી પટેલ, બ્રિજેશ મેરજા, જીતુ વાઘાણી, અને ખુદ ભૂપેન્દ્ર પટેલનો સમાવેશ થાય છે.