વોશિંગ્ટન ડીસી,પશ્ચિમ એશિયામાં ચાલી રહેલા યુદ્ધ અને ઉર્જા બજારમાં વધતી અનિશ્ચિતતા વચ્ચે, વર્તમાન યુએસ પ્રમુખ ડોનાલ્ડ ટ્રમ્પે એક મોટા ઉર્જા પ્રોજેક્ટની જાહેરાત કરી છે. ટ્રમ્પે જણાવ્યું હતું કે આ ૫૦ વર્ષમાં અમેરિકામાં પહેલી નવી ઓઇલ રિફાઇનરી હશે. આ રિફાઇનરી ટેક્સાસના બ્રાઉન્સવિલે બંદર પર બનાવવામાં આવશે અને તેમાં ભારતના રિલાયન્સ ઇન્ડસ્ટ્રીઝ તરફથી મોટું રોકાણ કરવામાં આવશે. ટ્રમ્પે તેમના સોશિયલ મીડિયા પ્લેટફોર્મ પર જણાવ્યું હતું કે આ ૩૦૦ અબજ ડોલરનો ઐતિહાસિક સોદો છે, જેને યુએસ ઇતિહાસના સૌથી મોટા ઉર્જા પ્રોજેક્ટ્સમાંનો એક ગણવામાં આવે છે. તેમણે જણાવ્યું હતું કે આ રિફાઇનરી યુએસ બજારને ઇંધણ પૂરું પાડશે, ઉર્જા ઉત્પાદન વધારશે અને દેશની રાષ્ટ્રીય સુરક્ષાને મજબૂત બનાવશે. વધુમાં, આ પ્રોજેક્ટ દક્ષિણ ટેક્સાસ ક્ષેત્રમાં હજારો નવી નોકરીઓનું સર્જન કરશે અને આર્થિક પ્રવૃત્તિને વેગ આપશે. ટ્રમ્પે જણાવ્યું હતું કે તેમની અમેરિકા ફર્સ્ટ નીતિ હેઠળ પરમિટ પ્રક્રિયાને સરળ બનાવવા અને કર ઘટાડવાથી નોંધપાત્ર રોકાણ આકર્ષાયું છે. તેમણે જણાવ્યું હતું કે નવી રિફાઇનરી વિશ્વની સૌથી સ્વચ્છ રિફાઇનરીઓમાંની એક હશે અને વૈશ્વિક ઉર્જા નિકાસને પણ વેગ આપશે. તેમણે પ્રોજેક્ટમાં રોકાણ કરવા બદલ ભારતની રિલાયન્સ ઇન્ડસ્ટ્રીઝનો આભાર માન્યો હતો. આ જાહેરાત એવા સમયે કરવામાં આવી છે જ્યારે પશ્ચિમ એશિયામાં ઈરાન અને અમેરિકા અને ઈઝરાયલ વચ્ચે તણાવ વધી રહ્યો છે. ઈરાને અનેક ખાડી દેશોમાં યુએસ બેઝ અને ઉર્જા માળખાને નિશાન બનાવીને બદલો લીધો છે, જેનાથી વૈશ્વિક ઉર્જા પુરવઠા અને તેલ બજાર પર દબાણ આવ્યું છે.

રશિયા પાસેથી ભારત ૩ કરોડ બેરલ ક્રૂડ ઑઇલ ખરીદશે : રિલાયન્સ-ૈર્ંંઝ્રનું બુકિંગ

ઈરાન-ઈઝરાયેલ વચ્ચે ચાલી રહેલા યુદ્ધ વચ્ચે સ્ટ્રેટ ઓફ હોર્મુઝ રૂટ બંધ થઈ ગયો છે. આવી સ્થિતિમાં, ક્રૂડ ઓઈલનો પુરવઠો બંધ થયા પછી, ભારત લગભગ ૩ કરોડ બેરલ ક્રૂડ ઓઈલ રશિયા પાસેથી ખરીદશે. આ દાવો બ્લૂમબર્ગના રિપોર્ટમાં કરવામાં આવ્યો છે. રિપોર્ટમાં જણાવાયું છે કે ઇન્ડિયન ઓઇલ કોર્પોરેશન (ૈર્ંંઝ્ર) અને રિલાયન્સ ઇન્ડસ્ટ્રીઝ જેવી કંપનીઓએ રશિયા સાથે તેલના કરાર કર્યા છે. ઇન્ડિયન ઓઇલે લગભગ ૧ કરોડ બેરલ અને રિલાયન્સે પણ ઓછામાં ઓછું ૧ કરોડ બેરલ તેલ ખરીદ્યું છે. બાકીનું તેલ અન્ય ભારતીય રિફાઇનિંગ કંપનીઓએ લીધું છે. શિપિંગ ડેટા પરથી જાણવા મળ્યું છે કે રશિયન જહાજાે ‘માયલો’ અને ‘સારા’ જેવા ઘણા મોટા તેલ ટેન્કરો, જેઓ અગાઉ સિંગાપોર તરફ જઈ રહ્યા હતા, તેમણે હવે ભારતના બંદરો તરફ પોતાનો રસ્તો વાળ્યો છે.