ટ્રમ્પની ચેતવણી, ડ્રગ તસ્કરી કરનારા સાવધાન...

અમેરિકાના વેનેઝુએલાના એક જહાજ પર અમેરિકન આર્મીએ હુમલો કર્યો હતો. આ હુમલામાં 11 લોકોના મોત નિપજ્યા છે. અમેરિકન પ્રમુખ ડોનાલ્ડ ટ્રમ્પે પોતે સોશિયલ મીડિયા પર પોસ્ટ કરીને આ વિશે માહિતી આપી હતી.

ડોનાલ્ડ ટ્રમ્પે કહ્યું કે, આજે સવારે મારા આદેશ પર, અમેરિકન સૈન્ય દળે સાઉથકોમ ક્ષેત્રમાં ટ્રેન ડી એરાગુઆ નાર્કો ગેંગ સામે લશ્કરી કાર્યવાહી હાથ ધરી હતી. ટીડીએ એક વિદેશી આતંકવાદી સંગઠન છે, જે નિકોલસ માદુરોના નિયંત્રણ હેઠળ કામ કરે છે અને અમેરિકા તેમજ સમગ્ર પશ્ચિમ ગોળાર્ધમાં સામૂહિક હત્યાઓ, ડ્રગ હેરફેર, માનવ તસ્કરી અને હિંસા તેમજ આતંકી કૃત્યોને અંજામ આપ્યા છે.'

ટ્રમ્પે કહ્યું કે, આતંકવાદીઓ આંતરરાષ્ટ્રીય જળક્ષેત્રમાં ડ્રગ્સનો જથ્થો લઈને અમેરિકા તરફ જઈ રહ્યા હતા ત્યારે તેમની સામે આ કાર્યવાહી કરવામાં આવી છે. આ હુમલામાં 11 આતંકવાદીઓના મોત થયા છે. આ કાર્યવાહીમાં અમેરિકન સેનાને કોઈ નુકસાન નથી થયું.