ન્યૂ દિલ્હી

ઉત્તર પ્રદેશમાં નવી વસ્તી નીતિ જાહેર થયાના એક દિવસ પછી એક મહિલાએ ગાઝિયાબાદની ખાનગી હોસ્પિટલમાં એક સમયે ૪ બાળકોને જન્મ આપ્યો છે. ડોક્ટરના જણાવ્યા અનુસાર બાળકોનો જન્મ આઈવીએફ (ઇન વિટ્રો ફર્ટિલાઈઝેશન) ટેકનોલોજીથી થયો હતો. માતા અને બાળક બંને સ્વસ્થ છે.

મામલો નહેરુનગર સ્થિત યશોદા હોસ્પિટલનો છે. ડો.શશી અરોરા અને ડો.સચિન દુબેના માર્ગદર્શન હેઠળ મહિલાએ સફળ ઓપરેશન કર્યું હતું. બંને ડોકટરોનો દાવો છે કે હોસ્પિટલમાં આવો પહેલો કેસ છે. હવે માતા અને તેના ચાર બાળકો સુરક્ષિત છે. જેમાં ચાર બાળકો, એક છોકરી અને ૩ છોકરાઓ છે.

રવિવારે જ ઉત્તર પ્રદેશમાં વસ્તી નીતિ જારી કરવામાં આવી છે. આમાં બે બાળકોનો નિયમ છે. આ નીતિના એક દિવસ પછી જ ગાઝિયાબાદમાં એક મહિલાને ચાર બાળકોનો જન્મ થયો. આ અંગે સોશ્યલ મીડિયામાં વિવિધ પ્રકારની કોમેન્ટ આવી રહી છે. મોટાભાગના વપરાશકારોએ પૂછ્યું છે કે હવે આ પરિવારને સરકારની યોજનાઓનો લાભ મળશે કે નહીં. જો કે, એવું કહેવામાં આવી રહ્યું છે કે વસ્તી નીતિમાં જોડિયાઓને વિશેષ છૂટ આપવામાં આવી છે.

આઈવીએફ તકનીક શું છે?

ઇન વિટ્રો ફર્ટિલાઇઝેશન (આઈવીએફ) પહેલાં 'ટેસ્ટ-ટ્યુબ બેબી' તરીકે ઓળખાતું હતું. આ પ્રક્રિયાનો પ્રથમ વખત ઇંગ્લેંડમાં ૧૯૭૮ માં ઉપયોગ કરવામાં આવ્યો હતો. આઈવીએફ સારવારમાં પ્રયોગશાળામાં અમુક અંકુશિત પરિસ્થિતિઓમાં સ્ત્રીના ઇંડા અને પુરુષના શુક્રાણુનું મિશ્રણ શામેલ છે. એકવાર ગર્ભ રચાય પછી તે સ્ત્રીના ગર્ભાશયમાં પાછું મૂકવામાં આવે છે.