યુએસ પ્રમુખ ડોનાલ્ડ ટ્રમ્પે અમેરિકા અને ઈરાન વચ્ચે ચાલી રહેલા યુદ્ધ વચ્ચે એક મુખ્ય અપડેટ શેર કર્યું છે. રાષ્ટ્રપતિ ટ્રમ્પના જણાવ્યા મુજબ, અમેરિકાએ ઈરાન સાથે સકારાત્મક અને ઉત્પાદક વાતચીત કરી છે, ત્યારબાદ તેઓ ઈરાની પાવર પ્લાન્ટ્સ અને ઊર્જા માળખા પર કોઈપણ લશ્કરી હુમલો ટાળવા માટે સૈન્યને આદેશ આપશે. તેમણે દાવો કર્યો હતો કે મધ્ય પૂર્વમાં ચાલી રહેલા તણાવને સંપૂર્ણપણે સમાપ્ત કરવા માટે બંને દેશો વચ્ચે ગંભીર વાતચીત ચાલી રહી છે.

સામે તરત જ સરકારની નજીકના ઈરાની મીડિયાએ કહ્યુૅ હતું કે, સૈતાન (ડોનાલ્ડ ટ્રમ્પ) સાથે કોઈ વાતચીત થઈ નથી, તેલના ભાવોને કંટ્રોલ કરવા ચ્રમ્પ જૂઠ્ઠું બોવી રહ્યાં છે. અમેરિકન રાષ્ટ્રપતિએ તેમના સોશિયલ મીડિયા પ્લેટફોર્મ, ટ્રૂથ સોશિયલ પર કહ્યું, છેલ્લા બે દિવસમાં અમારી ઈરાન સાથે ખૂબ જ સકારાત્મક અને ઉત્પાદક વાતચીત થઈ છે, જેનો ઉદ્દેશ્ય મધ્ય પૂર્વમાં ચાલી રહેલા સંઘર્ષનો સંપૂર્ણ ઉકેલ શોધવાનો છે. ચર્ચાનો આ રાઉન્ડ આખા અઠવાડિયા દરમિયાન ચાલુ રહેશે.

બંને દેશો વચ્ચેની તીવ્ર અને વિગતવાર ચર્ચાઓને સકારાત્મક પ્રતિભાવ આપતાં, મેં યુએસ ડિપાર્ટમેન્ટ ઓફ ડિફેન્સને ઈરાની પાવર પ્લાન્ટ્સ અને ઉર્જા માળખા પરના તમામ લશ્કરી હુમલાઓને પાંચ દિવસ માટે મુલતવી રાખવાનો નિર્દેશ આપ્યો છે. અગાઉ, બ્રિટિશ વડા પ્રધાન કાર્યાલયે એક નિવેદન જારી કરીને જણાવ્યું હતું કે ટ્રમ્પ અને વડા પ્રધાન કીર સ્ટાર્મરે રવિવારે રાત્રે ફોન પર વાત કરી હતી. બંને નેતાઓએ વર્તમાન પરિસ્થિતિ, ખાસ કરીને વૈશ્વિક શિપિંગ ફરી શરૂ કરવા માટે હોર્મુઝ સ્ટ્રેટને ફરીથી ખોલવાની જરૂરિયાત પર ચર્ચા કરી હતી. રવિવારે ટ્રમ્પ દ્વારા એક પોસ્ટ દ્વારા હંગામો મચાવ્યો હતો.

ટ્રમ્પે એક ઈરાનને ૪૮ કલાકની ધમકી, જેમાં કહેવામાં આવ્યું છે કે જાે હોર્મુઝ સ્ટ્રેટ ખોલવામાં નહીં આવે, તો ઈરાનના મુખ્ય પાવર પ્લાન્ટને નિશાન બનાવવામાં આવશે. જવાબમાં, ઈરાને દાવો કર્યો હતો કે તે યુએસની સહાયથી ચાલતા કોઈપણ પ્લાન્ટને છોડશે નહીં.

યુદ્ધ વચ્ચે ઑઈલ-ગૅસથી ઈરાનની રેકોર્ડ કમાણી : હોર્મુઝ સ્ટ્રેટમાંથી જહાજ લઇ જવા માટે ૧૮.૮ કરોડનો ટોલ ટેક્સ નાખ્યો

અમેરિકા-ઇઝરાયલ સાથેના યુદ્ધને ઇરાને એક તકમાં બદલી નાખ્યું છે. અમેરિકાએ ખાર્ગ આઇલેન્ડ નજીક સૈન્ય ઠેકાણાઓને નિશાન બનાવ્યા, પરંતુ વૈશ્વિક ઓઈલ સંકટના ડરથી ઓઈલ ટર્મિનલને સીધું નિશાન બનાવ્યું ન હતું. આનો ફાયદો ઉઠાવતા ઇરાને ખાર્ગ ટર્મિનલ ચાલુ રાખ્યું અને ‘ઘોસ્ટ ફ્લીટ’ દ્વારા ચીનને સપ્લાય ચાલુ રાખી છે.

તેણે વૈશ્વિક દરિયાઈ વેપારના મહત્ત્વપૂર્ણ સાંકડા માર્ગ હોર્મુઝ જળસંધિમાંથી પસાર થવા બદલ કેટલાક જહાજાે પાસેથી ૨૦ લાખ ડોલર (લગભગ ૧૮.૮ કરોડ રૂપિયા) લેવાનો ર્નિણય કર્યો છે. આ ભારે ટેક્સ પહેલેથી જ લાગુ કરવામાં આવ્યો છે. ઈરાનના સાંસદ અલાઉદ્દીન બોરુજેર્દી, જે સંસદની રાષ્ટ્રીય સુરક્ષા સમિતિના સભ્ય છે, એ ઈરાનના સરકારી બ્રોડકાસ્ટર ઈસ્લામિક રિપબ્લિક ઓફ ઈરાન બ્રોડકાસ્ટિંગ (ૈંઇૈંમ્)ને આ વાત કહી છે.