સુરતના સાઈબર સ્લેવરી કૌભાંડમાં સેન્ટ્રલ આઈબીને રસ પડ્યો છે. ગઈકાલે સેન્ટ્રલ આઈબીની ટીમે આરોપીઓનું જોઈન્ટ ઈન્ટ્રોગેશન કર્યું હતુ. આ કેસમાં ઈન્ટરનેશનલ લેવલનું નેટવર્ક ઈન્વોલ્વ હોવાનુ સુરક્ષા દળોનું માનવુ છે. ભારતના યુવાનોને ડિજિટલ ગુલામ બનાવવાનું નેટવર્ક ચાલતુ હતુ જેનો પર્દાફાશ થતા દેશની ઉચ્ચ સ્તરની સુરક્ષા એજન્સીઓ ઈન્વોલ્વ થઈ  રહી છે. 

સુરતમાં સાયબર સ્લેવરી આંતરરાષ્ટ્રીય કૌભાંડ મામલે સેન્ટ્રલ IBએ ત્રણેય આરોપીની મેરેથોન પૂછપરછ કરી છે. જેમાં માસ્ટર માઇન્ડ નિરવ ચૌધરીના હાથ નીચે પ્રિત અને પ્રિતની સૂચના મુજબ આશિષ ઊંચા પગારે લોકોને થાઇલેન્ડ-મ્યાનમાર મોકલી આપતો હતો. તેમજ સાયબર સેલ ત્રણેય આરોપીના રિમાન્ડ મેળવી પૂછપરછ કરી રહી છે. જેમાં ઇન્ટરનેશનલ લેવલના આ રેકેટને પગલે કેન્દ્રીય એજન્સીઓ પણ હરકતમાં આવી છે.

સેન્ટ્રલ આઇબીના અધિકારીઓએ ત્રણેય આરોપીઓનું મેરેથોન ઇન્ટ્રોગેશન કર્યું છે. આગામી દિવસોમાં અન્ય એજન્સીઓ પણ તપાસમાં જોડાઇ તેવી વકી છે. ક્રાઈમ બ્રાન્ચે એક એવા આંતરરાષ્ટ્રીય રેકેટનો પર્દાફાશ કર્યો છે. જે ભારતીય યુવાનોને ડિજિટલ ગુલામ બનાવી રહ્યું હતું. આ મામલે સુરત અને પંજાબથી કુલ ત્રણ એજન્ટોની ધરપકડ કરવામાં આવી છે.

સુરત, ગુજરાતનું એક વ્યસ્ત શહેર, તાજેતરમાં એક ચોંકાવનારા આંતરરાષ્ટ્રીય સાયબર સ્લેવરી રેકેટના પર્દાફાશના કેન્દ્રમાં આવ્યું છે. સુરત સાયબર સેલની ઝીણવટભરી તપાસે એક એવા ગુનાહિત નેટવર્કનો ખુલાસો કર્યો, જે નિર્દોષ યુવકોને થાઈલેન્ડમાં આકર્ષક નોકરીઓની લાલચ આપી, તેમને મ્યાનમાર અને કંબોડિયામાં ગોંધી રાખી ઓનલાઈન છેતરપિંડીના કૌભાંડમાં ફસાવતું હતું.

આ રેકેટમાં ભારતભરમાંથી 40થી વધુ યુવકોને નિશાન બનાવવામાં આવ્યા, જેમાંથી સુરત અને વડોદરાના 12 યુવકોનો સમાવેશ થાય છે. આરોપીઓ યુવકોને કોમ્પ્યૂટર વર્કની નોકરીનું વચન આપી થાઈલેન્ડ મોકલવાની લાલચ આપતા, પરંતુ તેમને નદી મારફતે ગેરકાયદેસર રીતે બોર્ડર ક્રોસ કરાવી મ્યાનમાર લઈ જવામાં આવતા. ત્યાં તેમને ઓનલાઈન છેતરપિંડીના ગુનાઓમાં ફસાવવામાં આવતા હતા. સુરત સાયબર સેલે આ કૌભાંડના મુખ્ય સૂત્રધાર પંજાબના નીપેન્દર ચૌધરી સહિત ત્રણ આરોપીઓ, સુરતના આશિષ અને પંજાબના પ્રીતની ધરપકડ કરી. બે મોબાઈલ નંબરો અને વોટ્સએપ ચેટના આધારે આ રેકેટનો ખુલાસો થયો. આ ઘટનાએ સાયબર ગુનાઓ સામે જાગૃતિની જરૂરિયાત પર ભાર મૂક્યો છે. સુરત પોલીસે નાગરિકોને વિદેશમાં નોકરીની આકર્ષક ઓફરો સામે સાવચેત રહેવા અને તેની ચકાસણી કરવા અપીલ કરી છે.