વીસ-સમયનો ગ્રાન્ડ સ્લેમ ચેમ્પિયન રોજર ફેડરરે હમણાં જ એક મોટો સંકેત આપ્યો હતો કે 2021 નું ટોક્યો ઓલિમ્પિક તેનું સ્વાન ગીત હોઈ શકે. "તે પહેલાથી જ સ્પષ્ટ છે કે હું મારી કારકિર્દીના અંતમાં છું," ફેડરરે તાજેતરમાં એસઆરએફએસપોર્ટને જણાવ્યું હતું. સ્વિત્ઝર્લેન્ડના ૩૮ વર્ષીય લેજન્ડરી ટેનિસ સ્ટાર ફેડરરે આંતરરાષ્ટ્રીય ટેનિસમાંથી નિવૃત્તિ લેવાનો ઈશારો કર્યો છે.
ફેડરરે કબૂલાત કરી છે કે, મારી કારકિર્દી હવે તેના અંતિમ તબક્કામાં પહોંચી છે. મારી કારકિર્દીની આખરી સિદ્ધિ તરીકે હું વધુ એક ઓલિમ્પિક ગોલ્ડ મેડલ જીતવા માંગુ છું. સ્વિસ લેજન્ડ ફેડરર સૌથી વધુ ૨૦ ગ્રાન્ડ સ્લેમ ટાઈટલ જીતવાની સિદ્ધિ ધરાવે છે અને તે ૨૦૦૮ના બેઇજિંગ ઓલિમ્પિકની મેન્સ ડબલ્સ ઈવેન્ટમાં ગોલ્ડ મેડલ જીતી ચૂક્યો છે. જ્યારે ૨૦૧૨ના લંડન ઓલિમ્પિકમાં તેને સિંગલ્સમાં સિલ્વર મળ્યો હતો.
કોરોનાના કારણે હાલ આંતરરાષ્ટ્રીય ટેનિસ સ્થગિત છે અને ફેડરરે તેના જમણા ઘુંટણની ઈજા પર સર્જરી કરાવી છે. તે ચાલુ વર્ષે તો એક પણ ટુર્નામેન્ટમાં ભાગ લેવાનો નથી. જોકે આવતા વર્ષે તેણે પુનરાગમન કરવાની આશા વ્યક્ત કરી છે. ચાલુ વર્ષે ઓગસ્ટમાં ફેડરર ૩૯ વર્ષનો થશે. તેણે જણાવ્યું કે, ઓલિમ્પિક મારા માટે સ્પેશિયલ છે. ૨૦૨૧માં ટોકિયોમાં ઓલિમ્પિક રમાશે, ત્યારે હું ચોક્કસ મેડલ જીતવાનો પ્રયાસ કરીશ.
Comments