વડોદરા: હાર્દિક પંડ્યા આ દિવસોમાં ડોમેસ્ટિક ટુર્નામેન્ટમાં ભાગ લઈ રહ્યો છે. તાજેતરમાં આ ખેલાડીએ સૈયદ મુશ્તાક અલી ટ્રોફીમાં બરોડા માટે શાનદાર પ્રદર્શન કર્યું હતું. તેણે તેના ભાઈ કૃણાલ પંડ્યાના નેતૃત્વમાં ભાગ લીધો હતો. હવે હાર્દિક પંડ્યા વિજય હજારે ટ્રોફી રમવા જઈ રહ્યો છે. પરંતુ તે પ્રથમ કેટલીક મેચોમાં ભાગ લઈ શકશે નહીં. આવી સ્થિતિમાં ૨૧મી ડિસેમ્બરથી વિજય હજારે ટ્રોફી શરૂ થઈ રહી છે. આ ટુર્નામેન્ટ માટે બરોડા ક્રિકેટ ટીમે પણ તૈયારીઓ કરી લીધી છે. જાેકે, હાર્દિક અંગત કારણોસર શરૂઆતની મેચમાં બરોડા માટે ઉપલબ્ધ રહેશે નહીં. તેના સ્થાને બરોડાની ટીમમાં યુવા ખેલાડી નિત્યા પંડ્યાનો સમાવેશ કરવામાં આવ્યો છે. નિત્યાએ અંડર ૧૯ કૂચ બિહાર ટ્રોફીમાં શાનદાર પ્રદર્શન કર્યું હતું. આ જ કારણ છે કે હવે તેને બરોડા સિનિયર ટીમમાં સામેલ કરવામાં આવ્યો છે. સૈયદ મુશ્તાક અલી ટ્રોફીમાં બરોડાનું પ્રદર્શન શાનદાર રહ્યું હતું. ટીમે ક્વાર્ટર ફાઈનલ મેચમાં બંગાળને હરાવીને સેમિફાઈનલમાં જગ્યા બનાવી હતી. જાેકે મુંબઈએ સેમિફાઈનલમાં બરોડાને હરાવ્યું હતું. આ મેચમાં કૃણાલ પંડ્યાએ ૨૪ બોલમાં ૩૦ રન બનાવ્યા હતા. પરંતુ અજિંક્ય રહાણેએ વિજય હજારે ટ્રોફીમાં ૫૬ બોલમાં ૯૮ રન બનાવીને મુંબઈને જીત અપાવી હતી. વિજય હજારે ટ્રોફીમાં બરોડા કેરળ, બંગાળ, બિહાર, મધ્યપ્રદેશ અને દિલ્હી સામે ટકરાશે. આ પછી ક્વાર્ટર ફાઈનલ મેચો રમાશે. ટુર્નામેન્ટની ફાઇનલ મેચ ૧૮ જાન્યુઆરીએ રમાશે. હાર્દિક પંડ્યાએ સૈયદ મુશ્તાક અલી ટ્રોફીમાં શાનદાર પ્રદર્શન કર્યું હતું. તેણે ગુજરાત સામે ૭૪, ઉત્તરાખંડ સામે ૪૧, તમિલનાડુ સામે ૬૯ અને ત્રિપુરા સામે ૪૭ રનની જાેરદાર ઇનિંગ્સ રમી હતી. તેણે ૭ મેચમાં ૪૯.૨૦ની એવરેજથી ૨૪૬ રન બનાવ્યા. પંડ્યાએ પોતાના બેટથી ૨ અડધી સદી પણ ફટકારી હતી.