ડેલસ-

યુનાઇટેડ સ્ટેટ્સના દક્ષિણ મેદાનોમાં હિમવર્ષા થયા બાદ વાહન વ્યવહારને અસર થઇ અને કેટલીય ઉડાનો રદ્દ કરવી પડી અને બીજા દિવસે સોમવારે પારો ખુબ જ નીચે ગયો હતો જેના કારણે વીજ પુરવઠો રોકવામાં આવ્યો હતો. ટેક્સાસની ઇલેક્ટ્રિક રિલેબિલીટી કાઉન્સિલ (IRCOT) એ સોમવારે વહેલી તકે વીજળીનો કાપ મુકવાનો કરવાનું શરૂ કર્યું, એટલે કે, હજારો ઘરો ટૂંકા ગાળા માટે વિજળી બંધ કરી દેવામાં આવી.

ડલ્લાસ અને હ્યુસ્ટનની આસપાસનું તાપમાન શૂન્યથી નીચે ગયું હતું. કાઉન્સિલે ટ્વીટ કર્યું, "અમે ટેક્સાસવાસીઓને અપીલ કરીએ છીએ કે તમારી સલામતીને સર્વોચ્ચ રાખવા. તેમણે લોકોને અપીલ કરી હતી કે વીજળીનો વપરાશ ઓછો કરવામાં આવે. રાજ્યમાં વીજ પુરવઠાનું સંચાલન કરવામાં આવી રહ્યું છે. તેમણે કહ્યું, "ટ્રાફિક લાઇટ અને અન્ય માળખાગત સુવિધાઓ પર વીજ પુરવઠો અસ્થાયી રૂપે બંધ થઈ શકે છે."

ઇર્કોટે વીજળી સિસ્ટમ વિશ્વસનીય છે તેની ખાતરી કરવા માટે રોટિંગ પાવર કટને છેલ્લો ઉપાય કહ્યો હતો. તેમણે કહ્યું કે, વિજળી વિતરણ કંપનીઓને આખી સિસ્ટમમાં માંગ ઘટાડવા માટેના રસ્તાઓ શોધવા કહેવામાં આવ્યું છે. ટેક્સાસમાં સ્થાનિક સમય સવારે 7 વાગ્યા સુધી, વીજળી ન હોવાને કારણે 2.3 મિલિયનથી વધુ લોકો અંધારામાં હતા.

રાષ્ટ્રીય હવામાન સેવાના મુખ્ય હવામાનશાસ્ત્રી બોબ ઓરાવેકે સોમવારે જણાવ્યું હતું કે, તાજેતરમાં હિમવર્ષાના કારણે અનેક અકસ્માતો થયાના અહેવાલો પ્રાપ્ત થયા છે. મને લાગે છે કે આજે મોટો ખતરો છે કારણ કે હવામાનનું દબાણ ઉત્તર-પૂર્વ દિશામાં વધી રહ્યું છે. તેમના કહેવા મુજબ, પૂર્વ લ્યુઇસિયાના, મિસિસિપી, સેન્ટ્રલ ટેનેસી, કેન્ટુકી અને વેસ્ટ વર્જિનિયામાં 0.25 થી 0.6 સેન્ટિમીટર સુધી બરફના સંગ્રહની શક્યતા છે.

આ ઠંડા વાવાઝોડાને લીધે હ્યુસ્ટનના અધિકારીઓએ લોકોને કેટેગરી -5 ના ચક્રવાતની જેમ વીજ નિકાલ, માર્ગ અવરોધ સહિતની પરિસ્થિતિઓને પહોંચી વળવા તૈયાર રહેવા જણાવ્યું છે. તે જ સમયે, રવિવારે વરસાદ બાદ હ્યુસ્ટન વિસ્તારમાં તાપમાન ડિપોઝિશન પોઇન્ટ પર પહોંચી ગયું હતું. હવામાન આગાહી કેન્દ્રના હવામાનશાસ્ત્રી માર્ક ચેનાર્ડે જણાવ્યું હતું કે સોમવારે દક્ષિણ મેદાનોમાં 12 ઇંચ સુધી બરફ પડવાની સંભાવના છે. અમેરિકાનો મોટો હિસ્સો હજી પણ ઠંડા વાતાવરણથી પ્રભાવિત છે, પરંતુ દક્ષિણ સુધી આવી સ્થિતિ બહુ ઓછી જોવા મળે છે.

ટેક્સાસના રાજ્યપાલ ગ્રેગ એબોટે રાજ્યની તમામ 254 કાઉન્ટીઓ માટે 'આપત્તિ' ચેતવણી આપી હતી. તેમણે શનિવારે કહ્યું હતું કે, "ટેક્સાસ શિયાળાની એક ખૂબ જ ખતરનાક તોફાનનો સામનો કરી રહ્યું છે." તે જ સમયે, રવિવારે રાત્રે એક નિવેદનમાં રાષ્ટ્રપતિ જો બિડેને ટેક્સાસમાં કટોકટીની સ્થિતિની ઘોષણા કરી અને રાજ્યને સંઘીય સરકારની મદદ પૂરી પાડવા આદેશ આપ્યો. ડલ્લાસ-ફોર્ટ વર્થ આંતરરાષ્ટ્રીય વિમાનમથક પર 760 થી વધુ ફ્લાઇટ્સ રદ કરવામાં આવી હતી.