સુરેન્દ્રનગર, ગુજરાત ચુંટણીને લઇને સુરેન્દ્રનગરમાં સોમા પટેલે અપક્ષમાંથી ફોર્મ ભર્યું હતું. જે આજે પરત ખેંચી લીધું છે. ભાજપે ટિકિટ ન આપતા સોમા પટેલ નારાજ થયા હતા અને અપક્ષમાંથી ઉમેદવારી નોંધાવી હતી. સુરેન્દ્રનગરની વઢવાણ બેઠક પર ભાજપ-કોંગ્રેસ સહીત કુલ ૨૨ ફોર્મ ભરાયા હતા. ત્યારબાદ ફોર્મ પરત ખેંચવાના છેલ્લા દિવસે ૯ ફોર્મ પરત ખેંચાયા હતા. જેને લઇને વઢવાણ બેઠક પર હવે ૧૩ ઉમેદવારો ચુંટણી જંગમાં મેદાને હોવાનું સામે આવ્યું છે. ભાજપ અને કોંગ્રેસમાંથી સાંસદ બનેલા મોટા ગજાના નેતા સોમાભાઇએ ૨૦૧૯માં લીંબડી-સાયલા બેઠક પરથી રાજીનામુ ધરી દીધું હતું. સમાજના ટેકાને લઇને પક્ષપલટો કરતા સોમાભાઈ આ વખતે અપક્ષમાંથી ચુંટણી જંગમાં ઉતાર્યા હતા. જાેકે આજે તેમણે પોતાનું અપક્ષ ફોર્મ પરત લીધું છે. ઉલ્લેખનિય છે કે પ્રથમ તબક્કા માટે ફોર્મ પરત ખેચવાનો આજે અંતિમ દિવસ હતો.


Comments

કોમેન્ટ પોસ્ટ કરવા માટે લાગિન કરો