પેરિસ :નોવાક જાેકોવિચે પેરિસ ઓલિમ્પિક ૨૦૨૪નો ગોલ્ડ મેડલ જીત્યો છે. જાેકોવિચે ટેનિસ સિંગલ્સની ફાઇનલમાં કાર્લોસ અલ્કારાઝને ખૂબ જ કપરા મુકાબલામાં હરાવ્યો હતો. તેણે સ્પેનના કાર્લોસ અલ્કારાજને હરાવીને વિમ્બલ્ડન ૨૦૨૪માં પોતાની હારનો બદલો લીધો. જાેકોવિચે રોમાંચક મેચમાં અલ્કારાઝને ૭-૬(૩),

૭-૬(૨) થી હરાવ્યો હતો. આ રીતે જાેકોવિચે કારકિર્દીમાં પ્રથમ વખત ઓલિમ્પિક ગોલ્ડ મેડલ જીત્યો હતો. તે જ સમયે, અલ્કારાઝ તેનો પ્રથમ ઓલિમ્પિક મેડલ જીતવાનું ચૂકી ગયો.આ જીત સાથે નોવાકે ટેનિસ અને ઓલિમ્પિક ઈતિહાસમાં ઘણા રેકોર્ડ બનાવ્યા છે. ૩૭ વર્ષીય નોવાક જાેકોવિચ ઓલિમ્પિક ઈતિહાસમાં ઓપન એરામાં ગોલ્ડ મેડલ જીતનાર સૌથી મોટી ઉંમરનો ખેલાડી છે.

સર્બિયાના નોવાક જાેકોવિચે ૨૪ ગ્રાન્ડ સ્લેમ જીત્યા છે પરંતુ પેરિસ ગેમ્સ પહેલા તેના નામે ઓલિમ્પિક ગોલ્ડ નહોતો. તેથી જ તેણે સ્પેનના કાર્લોસ અલ્કારાઝ સામે જીતવા માટે સખત સંઘર્ષ કર્યો હતો. નોવાક અને અલ્કારાઝ વચ્ચેની સ્પર્ધા કેટલી કઠિન હતી તેનો અંદાજ એ હકીકત પરથી લગાવી શકાય છે કે બંનેમાંથી કોઈ ખેલાડી સર્વને તોડી શક્યા ન હતા. બંને સેટ ટાઈબ્રેકમાં ગયા હતા, જે નોવાક જાેકોવિચે જીતી લીધા હતા.