ઉપરાષ્ટ્રપતિ કમલા હેરિસે પ્રમુખપદની ઝુંબેશની શરૂઆત કરી અને ‘ભવિષ્ય માટે લડત આપવાનું’ વચન આપ્યું. નવા ઓપિનિયન પોલ્સ દર્શાવે છે કે રિપબ્લિકન હરીફ ડોનાલ્ડ ટ્રમ્પ સાથે લોકપ્રિયતામાં તેમની બરાબરી થઈ રહી છે. ચૂંટણીમાં ડેમોક્રેટિક પ્રમુખપદના ઉમેદવાર તરીકે પ્રમુખ જાે બિડેનના અનુગામી, ૮૧ વર્ષીય હેરિસે આક્રમક પ્રચારથી હલચલ મચાવી છે, અને ઓપિનિયન પોલ્સમાં ભૂતપૂર્વ પ્રમુખ ટ્રમ્પની સમકક્ષ બની રહ્યા છે.

સએના કોલેજના રાષ્ટ્રીય સર્વેમાં જાણવા મળ્યું કે હેરિસે ટ્રમ્પની મોટી લીડને ઓછી કરી છે. નોંધાયેલા મતદારોમાં ટ્રમ્પ અને હેરિસ વચ્ચે માત્ર ૨ ટકાનો તફાવત હતો. ૪૮ ટકા નોંધાયેલા મતદારોએ આ સર્વેમાં ટ્રમ્પને પસંદ કર્યા, જ્યારે ૪૬ ટકાએ કમલા હેરિસને પસંદ કર્યા. જ્યારે જુલાઈની શરૂઆતમાં, ૪૧ ટકા બાઈડેનને પસંદ કરતા હતા અને ૪૯ ટકા ટ્રમ્પને પસંદ કરતા હતા. પરંતુ બાઈડેન હવે મેદાનમાંથી ખસી ગયા છે. તેમના સ્થાને કમલા હેરિસને ઉમેદવાર જાહેર કરવામાં આવ્યા બાદ એકંદરે તેમને રાષ્ટ્રવ્યાપી સમર્થન હોવાનું સર્વે સુચવે છે.

ઇમર્સન કોલેજ/ધ હિલ દ્વારા સર્વે પ્રકાશિતમાં જાણવા મળ્યું કે તેમણે પાંચ મુખ્ય રાજ્યોમાં ટ્રમ્પ સાથેના બરાબરી કરવાનું શરૂ કર્યું છેઃ એરિઝોના, જ્યોર્જિયા, મિશિગન, પેન્સિલવેનિયા અને વિસ્કોન્સિન. આ રાજ્યોમાં રજિસ્ટર્ડ મતદારોના સર્વેક્ષણ મુજબ, ટ્રમ્પ હજુ પણ હેરિસ કરતાં થોડા આગળ છે, અથવા તો વિસ્કોન્સિન સિવાય તમામમાં ટાઈ છે. પરંતુ અંતર સાંકડી થઈ રહ્યું છે. એકંદરે, મતદાન બતાવે છે કે ટ્રમ્પ બે ટકાની લીડ જાળવી રાખે છે, પરંતુ તેમને સમર્થનમાં વધારો જાેવા મળ્યો નથી. ટ્રમ્પને શરૂઆતમાં ઉચ્ચ સ્ક્રિપ્ટેડ, ટેલિવિઝન ચર્ચાઓ અને ખર્ચાળ ઇવેન્ટ્‌સનો ફાયદો હતો. ત્યારે બાઈડેનને ડેમોક્રેટ ઉમેદવાર ગણવામાં આવતા હતા. હવે પરિસ્થિતિ જુદી છે.

 હ્યુસ્ટનમાં અમેરિકન ફેડરેશન ઑફ ટીચર્સને સંબોધતા હેરિસે આર્થિક નીતિ અને કામદારોના અધિકારો પર ધ્યાન કેન્દ્રિત કર્યું. તેમણે સસ્તી આરોગ્ય સંભાળ અને બાળ સંભાળ યોજનાઓને પ્રોત્સાહન આપ્યું અને સ્કૂલ ગન કલ્ચર પર રિપબ્લિકન્સની ટીકા કરી. તેમણે કહ્યુ કે અમારી લડાઈ ભવિષ્ય માટે છે. અમે અમારી સૌથી મૂળભૂત સ્વતંત્રતા માટે લડી રહ્યા છીએ.

 કાર્યક્રમમાં લગભગ ૩૫૦૦ લોકો હતા પણ એક લાખથી વધુ મહિલાઓ હેરિસ માટેની વ્યૂહરચના અંગે ચર્ચા કરવા ઝૂમ કૉલમાં જાેડાઈ.

ટ્રમ્પે તેમની ટીકા કરતા સોશિયલ મીડિયા પર લખ્યું, “અમે માર્ક્‌સવાદી રાષ્ટ્રપતિ માટે તૈયાર નથી. કમલા હેરિસ કટ્ટર ડાબેરી માર્ક્‌સવાદી છે, અને તેનાથી પણ ખરાબ!”

 ટ્રમ્પની ટીમે ૧૦ સપ્ટેમ્બરે પ્રસ્તાવિત ચર્ચા પાછી ખેંચી લેવાનો સંકેત આપ્યો છે. જ્યારે બાઈડેન મેદાનમાં હતા, ત્યારે ટ્રમ્પ ૧૦ સપ્ટેમ્બરની ચર્ચા માટે તૈયાર હતા. હવે હેરિસે કહ્યું છે કે તે તે દિવસે ટ્રમ્પ સાથે ચર્ચા કરવા માટે તૈયાર છે, પરંતુ ટ્રમ્પની ટીમે ગુરુવારે એક નિવેદનમાં જણાવ્યુ હતું કે જ્યાં સુધી ડેમોક્રેટ્‌સ ઔપચારિક રીતે ઉમેદવારનું નામ જાહેર ન કરે ત્યાં સુધી ચર્ચાની વિગતો નક્કી કરી શકાય નહીં. ડેમોક્રેટ્‌સ આવતા અઠવાડિયે કમલા હેરિસના નામની ઔપચારિક જાહેરાત કરવા જઈ રહ્યા છે. ટ્રમ્પે હવે ઉમેદવાર તરીકે હેરિસ પર પ્રહારો શરૂ કર્યા છે પરંતુ તે ચર્ચામાંથી ખસી રહ્યા છે. યુએસ જસ્ટિસ ડિપાર્ટમેન્ટના ૪૦થી વધુ ભૂતપૂર્વ અધિકારીઓએ હેરિસને સમર્થન આપતા પત્ર પર હસ્તાક્ષર કર્યા છે અને ટ્રમ્પને અમેરિકામાં કાયદાના શાસન માટે ખતરો ગણાવ્યો છે. “ભૂતપૂર્વ રાષ્ટ્રપતિ ટ્રમ્પ આપણા દેશ, આપણા વૈશ્વિક જાેડાણો અને લોકશાહીના ભવિષ્ય માટે ગંભીર ખતરો છે. રાષ્ટ્રપતિ તરીકે, તેમણે હંમેશા કાયદાના શાસનની અવગણના કરી હતી,” તેમ પત્રમાં કહેવાયું છે.