ગોલ્ડમેન સૅક્સે કેલેન્ડર વર્ષ ૨૦૨૬ માટે ભારતના મેક્રોઇકોનોમિક આઉટલુકમાં સુધારો કર્યો છે. આ સુધારો તાજેતરના યુએસ-ઈરાન શાંતિ કરારને અનુસરે છે. વૈશ્વિક રોકાણ બેંકે ભારતના વાસ્તવિક જીડીપી વૃદ્ધિ આગાહીમાં વધારો કરવા માટે કાચા તેલના નીચા ભાવ અને સ્થાનિક આર્થિક સ્થિતિમાં સુધારો થવાને કારણો ગણાવ્યા છે.

ગોલ્ડમેન સૅક્સે ૨૦૨૬ માટે ભારતના વાસ્તવિક જીડીપી વૃદ્ધિ આગાહીમાં ૦.૩ ટકાનો વધારો કરીને ૬.૮ ટકા કર્યો છે. મુખ્ય ફુગાવાનો અંદાજ ૦.૨ ટકા ઘટાડીને ૪.૪ ટકા કરવામાં આવ્યો છે. ચાલુ ખાતાની ખાધ આગાહી પણ ૦.૨ ટકા ઘટાડીને જીડીપીના ૧.૧ ટકા કરવામાં આવી છે. બેંકની કોમોડિટી ટીમે તેના કાચા તેલના ભાવ આગાહીમાં ઘટાડો કર્યો છે. ૨૦૨૬ના ત્રીજા અને ચોથા ક્વાર્ટરમાં તે સરેરાશ ૮૨ પ્રતિ બેરલ અને ૨૦૨૭ માં ૭૫ ડોલર પ્રતિ બેરલ રહેવાનો અંદાજ છે. ગોલ્ડમેન સૅક્સનો અંદાજ છે કે બીજા અને ત્રીજા ક્વાર્ટર દરમિયાન વપરાશ વૃદ્ધિ ધીમી પડી શકે છે. આ ઇંધણના ભાવમાં અગાઉ થયેલા વધારાને કારણે થશે. જાે કે, કાચા તેલના ભાવમાં ઘટાડાથી રિટેલ ઇંધણના ભાવમાં વધારાની જરૂરિયાત નોંધપાત્ર રીતે ઓછી થઈ છે. આ ત્રીજા ક્વાર્ટર પછી ઘરગથ્થુ ખર્ચ પર વધારાના દબાણને મર્યાદિત કરશે. વર્ષના અંતમાં અર્થતંત્ર વધુ ગતિ પકડશે.નીચા તેલના ભાવ અને મજબૂત રેમિટન્સ પ્રવાહને કારણે ભારતના બાહ્ય ક્ષેત્રના ભવિષ્યમાં સુધારો થયો છે.