લોકસત્તા ડેસ્ક 

લેડી ગાગાએ ફરી એક ફિલ્મ મેળવી છે. ૩૪ વર્ષની ઓસ્કર એવોર્ડ વિજેતા આગામી એક્શન થ્રિલર બુલેટ ટ્રેનમાં ભૂમિકા ભજવે એવી સંભાવના છે. જો કે આ બાબતે હજી માત્ર વાટાઘાટ ચાલી રહી છે અને અંતિમ નિર્ણય નથી લેવાયો. આ ફિલ્મમાં મુખ્ય ભૂમિકા બ્રેડ પિટ ભજવશે. તેની સાથે જો કિંગ, એરોન ટેલર-જોનસન, ઝેઝી બીટ્ઝ અને અન્યો છે. 

ડેવિડ લીચ દ્વારા દિગ્દર્શિત આ ફિલ્મ જાપાની નવલકથા મારિયા બીટલ પર આધારીત હોવાનું માનવામાં આવે છે. આ ફિલ્મ પાંચ હત્યારાઓ વિશે છે જેઓ ટોકિયોની એક ટ્રેનમાં રહસ્યમય સંજોગોમાં ભેગા થાય છે. આ ફિલ્મમાં ગાગાની ભૂમિકા વિશે વધુ જાણકારી નથી પણ આ ભૂમિકા નાની અને મહત્વની હશે. આ પોપ સ્ટારે ૨૦૧૮માં એ સ્ટાર ઈઝ બોર્નમાં કરેલી મુખ્ય ભૂમિકા માટે ઓસ્કરનું નોમિનેશન મેળવ્યું હતું. ૨૦૧૫ની અમેરિકન હોરર સ્ટોરી: હોટલ માટે પણ ગાગાને ગોલ્ડન ગ્લોબ મળ્યો હતો.

લેડી ગાગા રિડલી સ્કોટ દ્વારા દિગ્દર્શિત આગામી ફિલ્મમાં પણ મુખ્ય ભૂમિકામાં દેખાશે. આ ફિલ્મમાં તેણે પેટ્રિઝિયા રેગિયાનીની ભૂમિકા ભજવી છે.



Comments

કોમેન્ટ પોસ્ટ કરવા માટે લાગિન કરો