પંજાબ કિંગ્સ સામેની મેચ પહેલા મહેન્દ્ર સિંહ ધોનીએ ચેન્નાઈના પ્રેક્ટિસ સેશનમાં ભાગ લીધો હતો. ઈજાને કારણે ધોની પાછલી મેચ ચૂકી ગયો હતો અને એવું માનવામાં આવે છે કે તે પંજાબ સામે પણ રમી શકશે નહીં.ચેન્નાઈ સુપર કિંગ્સ  ના અનુભવી વિકેટકીપર-બેટ્સમેન મહેન્દ્ર સિંહ તાલીમમાં પાછો ફર્યો છે. ૪૪ વર્ષીય ધોની ઈજાને કારણે IPL-૨૦૨૬ ચૂકી ગયો હતો, અને ફ્રેન્ચાઇઝીએ કહ્યું હતું કે તે બે અઠવાડિયા માટે બહાર રહી શકે છે. જાેકે, તાલીમમાં પાછા ફરવાથી હવે એવી અટકળો શરૂ થઈ ગઈ છે કે ધોની ટૂંક સમયમાં મેદાનમાં પાછો ફરશે કે નહીં.પંજાબ કિંગ્સ સામેની મેચ પહેલા ધોની એમ.એ. ચિદમ્બરમ સ્ટેડિયમમાં હળવી ફિટનેસ ડ્રીલ કરતો જાેવા મળ્યો હતો, પરંતુ તેણે ટીમ સાથે સંપૂર્ણ પ્રેક્ટિસ કરી ન હતી. ધોનીએ નેટ્સમાં થોડો સમય બેટિંગ કરી, પરંતુ વિકેટકીપિંગ ડ્રીલ કરી ન હતી. દરમિયાન, સંજુ સેમસન પ્રેક્ટિસ દરમિયાન વિકેટકીપિંગ કરતો જાેવા મળ્યો હતો. એવું માનવામાં આવે છે કે ધોની તેની ઈજામાંથી સ્વસ્થ થવાની નજીક છે, પરંતુ હજુ સુધી મેચ રમવા માટે સંપૂર્ણપણે તૈયાર નથી.

ધોની ઉપરાંત, સીએસકેના અન્ય ખેલાડી, ડેવાલ્ડ બ્રેવિસે પણ તાલીમ સત્રમાં ભાગ લીધો હતો. જાેકે, તેણે ફક્ત હળવા શોર્ટ રન ડ્રીલ્સ કર્યા હતા અને ટીમના ફિઝિયો સાથે ચર્ચા કરતા જાેવા મળ્યા હતા. ટીમ પાસે પહેલાથી જ સંજુ સેમસન તરીકે વિકેટકીપર વિકલ્પ છે.