ન્યૂ દિલ્હી

કોરોનાને કારણે દેશમાં બંધનું વાતાવરણ છે. દેશભરમાં કોરોના ચેપના વધતા જતા કેસોને ધ્યાનમાં રાખીને ભારતના પુરાતત્ત્વીય સર્વેએ ૩૧ મે સુધીમાં તેના તમામ સ્મારકોને બંધ કરવાનો ર્નિણય લીધો છે. બુધવારે માહિતી આપતાં એએસઆઈએ જણાવ્યું હતું કે, "કોરોના ચેપના વધતા જતા કેસોને ધ્યાનમાં રાખીને એપ્રિલમાં બંધ થયેલા તમામ કેન્દ્રિય સંરક્ષિત સ્મારકો હવે ૩૧ મે સુધી અથવા પછીના ઓર્ડર સુધી તાત્કાલિક અસરથી બંધ કરવામાં આવશે."

આ આદેશ અંગેની માહિતી કેન્દ્રીય સંસ્કૃતિ પ્રધાન પ્રહલાદ પટેલે પણ ટિ્‌વટ કરી છે. તેમણે લખ્યું, “ભારતીય પુરાતત્ત્વીય સર્વેક્ષણ (એએસઆઈ) એ કોરોના રોગચાળાને કારણે ૩૧ મે સુધી તેના તમામ સ્મારકોને બંધ રાખવાનો ર્નિણય કર્યો છે. મંત્રાલયની મંજૂરી બાદ આ ર્નિણય લેવામાં આવ્યો છે. " આ દરમિયાન, ૧૫ મે સુધી ૩,૬૯૩ સ્મારકો અને ૫૦ સંગ્રહાલયો બંધ રહેશે. આ પહેલા સરકારે ૧૫ મે ૨૦૨૧ સુધી દેશના તમામ સુરક્ષિત સ્મારકો, સ્થળો અને સંગ્રહાલયો બંધ રાખવાનો આદેશ આપ્યો હતો.


Comments

કોમેન્ટ પોસ્ટ કરવા માટે લાગિન કરો