પશ્ચિમ બંગાળમાં સ્પેશિયલ ઇન્ટેન્સિવ રિવ્યૂ (એસઆઇઆર) પ્રક્રિયા પર સુપ્રીમ કોર્ટમાં સુનાવણી દરમિયાન કોલકત્તા હાઈકોર્ટના મુખ્ય ન્યાયાધીશે જણાવ્યું હતું કે મંગળવાર સુધીમાં ૬ મિલિયન વાંધાઓમાંથી ૪.૭ મિલિયન વાંધાઓનો ઉકેલ લાવવામાં આવ્યો છે. મુખ્ય ન્યાયાધીશે કોર્ટને માહિતી આપી હતી કે દરરોજ આશરે ૧૭૫,૦૦૦થી ૨૦૦,૦૦૦ વાંધાઓ પર પ્રક્રિયા કરાઇ રહી છે.૭ એપ્રિલ સુધીમાં બધા વાંધાઓનો ઉકેલવામાં આવશે.મમતા બેનર્જીનું પ્રતિનિધિત્વ કરતા વકીલે સુપ્રીમ કોર્ટને જણાવ્યું હતું કે મતદાર યાદીમાંથી નામ કાઢી નાખવાનો દર ઊંચો છે. ૪૫ ટકા સુધી પહોંચી ગયો છે. સુપ્રીમ કોર્ટે કહ્યું કે ટ્રિબ્યુનલ્સને તેમનું કામ કરવાની મંજૂરી આપવી જાેઈએ જેથી તેઓ મતદાર યાદીમાંથી નામો સામેલ કરવા અથવા કાઢી નાખવા સંબંધિત બાબતોનો ઉકેલ લાવી શકે. કોર્ટે એ પણ ટિપ્પણી કરી હતી કે વિવિધ રાજકીય પક્ષો તેમના સંબંધિત હિતો અનુસાર ૧૦૦ ટકા નામો સામેલ કરવા અથવા કાઢી નાખવાની માંગ કરી શકે છે. સુપ્રીમ કોર્ટે સંકેત આપ્યો હતો કે આ અંગે આગામી સુનાવણી ૭ એપ્રિલે થઈ શકે છે.પાછલી સુનાવણીમાં, સુપ્રીમ કોર્ટે રાજ્યમાં એસઆઇઆર પ્રક્રિયા સંબંધિત વાંધાઓને દૂર કરવા માટે ન્યાયિક અધિકારીઓની નિમણૂકનો નિર્દેશ આપ્યો હતો. બંગાળના પોલીસ મહાનિર્દેશકને પણ જીૈંઇ અધિકારીઓ દ્વારા મળેલી ધમકીઓ અંગે લેવામાં આવેલી કાર્યવાહીની વિગતો આપતું પૂરક સોગંદનામું દાખલ કરવા માટે કહેવામાં આવ્યું હતું.