મધ્ય પૂર્વમાં ચાલી રહેલા તણાવ વચ્ચે સ્થાનિક શેરબજારમાં વિનાશક ઘટાડો ચાલુ છે. સપ્તાહના પહેલા દિવસે, ભારતીય શેરબજારમાં ૨.૫ ટકાનો મોટો ઘટાડો નોંધાયો હતો.સોમવારે બીએસઇ સેન્સેક્સ ૭૨,૬૯૬.૩૯ પર બંધ થયો, જે ૧૮૩૬.૫૭ પોઈન્ટ (૨.૪૬ ટકા) નો મોટો ઘટાડો હતો.એનએસઇ નિફ્ટી ૫૦ ઇન્ડેક્સ પણ ૬૦૧.૮૫ પોઈન્ટ (૨.૬૦ ટકા) ઘટીને ૨૨,૫૧૨.૬૫ પર બંધ થયો. આ ઘટાડાથી રોકાણકારોના લગભગ ૧૪ લાખ કરોડ રૂપિયાનું ધોવાણ થયું છે. બજાર ખુલતાની સાથે જ ક્રેશ થઈ ગયું.સોમવારે, સેન્સેક્સના ૩૦માંથી ફક્ત ચાર શેર વધારા સાથે લીલા નિશાનમાં બંધ થયા, જ્યારે બાકીના ૨૬ નુકસાન સાથે લાલ નિશાનમાં બંધ થયા. નિફ્ટી ૫૦ માં, ૫૦ કંપનીઓમાંથી ફક્ત ત્રણ કંપનીઓ વધારા સાથે લીલા નિશાનમાં બંધ થયા,

જ્યારે બાકીની ૪૭ કંપનીઓ નુકસાન સાથે લાલ નિશાનમાં બંધ થયા. સેન્સેક્સ કંપનીઓમાં,એચસીએલ ટેકનો શેર સૌથી વધુ ૧.૮૩ ટકાના વધારા સાથે બંધ થયો, જ્યારે ટાટા ગ્રુપની કંપની ટાઇટનનો શેર સૌથી વધુ ૬.૨૪ ટકાના ઘટાડા સાથે બંધ થયો. સેન્સેક્સના અન્ય શેરોમાં, પાવર ગ્રીડ ૧.૩૯ ટકા, ઇન્ફોસિસ ૦.૨૮ ટકા અને ટેક મહિન્દ્રા ૦.૧૯ ટકાના વધારા સાથે બંધ થયો.