ઇસ્લામાબાદ,પાકિસ્તાનની રાજધાની ઇસ્લામાબાદમાં એક મસ્જિદમાં આત્મઘાતી હુમલો થયો છે. શુક્રવારની નમાજ દરમિયાન તરલાઈ વિસ્તારમાં આવેલા ઇમામ બરગાહ ખાદીજાત-ઉલ-કુબ્રામાં એક શક્તિશાળી વિસ્ફોટ થયો છે. આ વિસ્ફોટમાં ઘણા લોકો ઘાયલ થયા છે. વિસ્ફોટ બાદ સમગ્ર શહેરમાં કટોકટીની સ્થિતિ જાહેર કરવામાં આવી છે. ફિત્ના અલ-ખાવરીજ સાથે સંકળાયેલા હુમલાખોરે ગેટ પર રોકાયા બાદ પોતાને ઉડાવી દીધો હતો. વિસ્ફોટનું સ્થળ શિયા મસ્જિદ છે. આ વિસ્ફોટમાં ૩૧ લોકો માર્યા ગયા છે.૧૬૯ થી વધુ ઘાયલ થયા છે. સુરક્ષા દળોએ સમગ્ર વિસ્તારને ઘેરી લીધો છે. વિસ્ફોટ એક આત્મઘાતી બોમ્બ વિસ્ફોટ હતો. ઉઝબેકિસ્તાનના રાષ્ટ્રપતિ શવકત મિર્ઝીયોયેવની બે દિવસીય સત્તાવાર મુલાકાત દરમિયાન આ હુમલો થયો હતો. પીઆઇએમના એક્ઝિક્યુટિવ ડિરેક્ટરના નિર્દેશ પર હોસ્પિટલ શરૂ કરવામાં આવી છે..