જોહાનિસબર્ગ-

દક્ષિણ આફ્રિકાના જોહાનિસબર્ગમાં રહેતા જ્હોન (નામ બદલ્યું છે) નિરાશ થયા હતો. જ્હોનની નિરાશાનુ કારણ તેની પ્રેમિકા હતી કારણ કે તે તેને છોડીને જતી રહી હતી . જ્હોન પોતાના બ્રેકઅપને કારણે ગમમાં હતો પણ ત્યારે તેની આંખો ખુશીથી ઝગમગી ઉઠી જ્યારે ગર્લફ્રેન્ડના ગયાના કેટલાક કલાકો પછી, જ્હોનને મિલિયન પાઉન્ડ અથવા લગભગ 30 કરોડ રૂપિયાની લોટરી લાગી હતી. લોટરી પછી જ્હોન હવે એટલા ખુશ છે કે તે તેની ગર્લફ્રેન્ડને માફ કરવા અને તેને ફ્રિજ ગિફ્ટ આપવા માંગે છે.

એક આઇવિટનેસ ન્યૂઝના રિપોર્ટ અનુસાર, 30 કરોડ રૂપિયાની લોટરી પછી જ્હોન એટલા ખુશ થઈ ગયા કે પોતાને શાંત કરવા ઠંડા પાણીથી નહાવુ પડ્યું હતું. ફાઇનાન્સ ક્ષેત્રે કાર્યરત લોટરી વિજેતાઓ તેમના ઈનામ મેળવવા 19 જાન્યુઆરીએ રાષ્ટ્રીય લોટરી ઓપરેટર ઓફિસ ગયા હતા. તેણે 15 જાન્યુઆરીએ આ લોટરી જીતી હતી અને તેની જ પ્રેમિકાએ તે જ દિવસે તેને છોડી દીધો હતો.

જ્હોને કહ્યું, 'હું હજી પણ વિશ્વાસ કરી શકતો નથી કે મેં ખૂબ પૈસા કમાવ્યા છે. હજી સુધી હું લોટરીમાંથી ફક્ત 2300 રૂપિયા જ જીતી શક્યો છું. મારી લાઈવ ઇન ગર્લફ્રેન્ડ હમણાં જ મારાથી અલગ થઈ હઇછે અને હું ખૂબ જ ખરાબ મૂડમાંથી પસાર થઈ રહ્યો હતો. શુક્રવારે રાત્રે, મેં લોટરીનું પરિણામ જોયું, તે સમયે હું એકલો હતો અને મારી ગર્લફ્રેન્ડ મારી સાથે નહતી. જ્યારે મને લાગ્યું કે હું જીતી ગયો છું, ત્યારે મેં વિચાર્યું કે હું સપનું જોઉં છું.

તેણે કહ્યું, 'લોટરીનું પરિણામ જોયા પછી તરત જ મેં ઠંડા પાણીથી સ્નાન કર્યું અને પાછા આવ્યા પછી ફરી તપાસ કરી. તે સાચું હતું પણ તે મારી ગર્લફ્રેન્ડ માટે નસીબદાર નહોતું. ' આટલા પૈસા જીત્યા પછી પણ જ્હોન નિવૃત્ત થવાનો ઇરાદો નથી રાખતો. તેમણે કહ્યું કે હું લોકોના રોકાણ અને દાન પર ધ્યાન આપીશ. જ્હોને કહ્યું કે તે ખાતરી કરશે કે હું આ પૈસામાંથી સતત કમાણી કરતો રહીશ અને વ્યાજ મેળવતો રહીશ. જ્હોને કહ્યું કે હું મારી એક્સ ગર્લફ્રેન્ડ્સ માટે ફ્રિજ અને વોશિંગ મશીન ખરીદીશ અને કહીશ કે તેમના મનમાં કોઈ શાહી નથી.