મુંબઇ

પ્રખ્યાત અભિનેત્રી હિના ખાનના પિતાનું નિધન થયું છે. કાર્ડિયાક એરેસ્ટને કારણે તેના પિતાનું અચાનક અવસાન થયું. હીના ખાનના પિતા ઘણીવાર હિના સાથેના વીડિયોમાં જોવા મળતા હતા અને ખૂબ જ મનોરંજક વીડિયો બનાવતા હતા. તેના અવસાનથી લોકો ચોંકી ઉઠ્‌યા છે. હિના ખાન મુંબઇની બહાર હતી. તે શાહિર શેખ સાથે કાશ્મીરમાં એક મ્યુઝિક વીડિયોનું શૂટિંગ કરી રહી હતી. જે અભિનેત્રીએ તાજેતરમાં ઇન્સ્ટાગ્રામ પર જાહેર કરી હતી.

હિના ખાને તાજેતરમાં સ્ટેબીન બાને સાથે મળીને તેનો નવો મ્યુઝિક વીડિયો 'બેદર્દ' જાહેર કર્યો હતો. હવે આ મ્યુઝિક વીડિયોનો ટીઝર રિલીઝ કરવામાં આવ્યો છે. આ ગીત આવતીકાલે ૧૬ એપ્રિલે રિલીઝ થશે. આ ટીઝરમાં હિના ખાનને દુલ્હનની ભૂમિકા આપવામાં આવી છે અને ટીઝરમાં હિના ખાનનું દિલ તોડતી બતાવવામાં આવી છે. આ ગીતમાં અભિનેતા સપન કૃષ્ણ પણ છે. બેદર્દમાં સ્ટેબીન બેને પોતાનો અવાજ આપ્યો છે અને આ ગીતો સંજીવ ચતુર્વેદીએ લખ્યા છે.