મુંબઈ

બોલિવૂડ એક્ટર જ્હોન અબ્રાહમ આ દિવસોમાં તેની આગામી ફિલ્મના શૂટિંગમાં વ્યસ્ત છે. અભિનેતા હાલ તેની ફિલ્મ ‘એટેક’નું શૂટિંગ કરી રહ્યો છે. તાજેતરમાં, અભિનેતા ધનીપુર એરસ્ટ્રીપ પર શૂટિંગ કરી રહ્યો હતો. તે સમયે સેટ પર મોટો વિવાદ થયો હતો. શૂટિંગ દરમિયાન ગામના ઘણા ગામના લોકો શૂટિંગ જાેવા માટે પહોંચ્યા હતા પરંતુ સુરક્ષા ટીમ સાથે તેમનો ભારે વિવાદ થયો હતો. આ વિવાદ દરમિયાન ગ્રામજનોએ શૂટિંગ ટીમે પર પથ્થરમારો કર્યો હતો. ધનીપુર એરસ્ટ્રીપ પર ફિલ્મ ‘એટેક’નું શૂટિંગ ચાલી રહ્યું છે. જ્હોન અબ્રાહમના એક્શન સીન્સ રન-વે પર ફિલ્માવવામાં આવી રહ્યા છે. રવિવારે પણ શૂટિંગ ચાલુ રહ્યું. બપોરના સુમારે ઘણા લોકો શૂટિંગ જાેવા આવ્યા હતા. મુખ્ય દરવાજાે બંધ થતાં જ લોકોએ એરસ્ટ્રીપની સીમા ઉપર ચડીને ચીલાવાનું શરૂ કર્યું.કેટલાક બદમાશોએ અપશબ્દો અને દુર્વ્યવહાર પણ શરૂ કરી દીધા હતા.

આથી શૂટિંગમાં ખલેલ પડવા માંડી.

જ્યારે સુરક્ષા ટીમે તેમને ત્યાંથી ભગાડવાનો પ્રયાસ કર્યો ત્યારે બંને પક્ષે દૂરથી વાદવિવાદ શરૂ થયો હતો. દરમિયાન કેટલાક બદમાશોએ સુરક્ષા ટીમે પથ્થરમારો કર્યો હતો. ટીમે તે જ પથ્થરોને ફરીથી ભીડ તરફ ફેંકીને તેમને ભગાડવાનો પ્રયાસ પણ કર્યો હતો. આ કારણે શૂટિંગ બંધ થઈ ગયું હતું.એક્ટિંગ અને ડિરેક્શન ટીમમાં હંગામો મચી ગયો હતો. ઉતાવળમાં ઉચ્ચ અધિકારીઓને માહિતી આપવામાં આવી હતી. પોલીસ મથકથી પોલીસ દળ મોકલાયો હતો. પોલીસને જાેઇને ગામલોકો ખેતરોમાંથી ભાગ્યા હતા. પોલીસ મથકના પોલીસ ઈન્સપેક્ટરના જણાવ્યા મુજબ પથ્થરમારાની માહિતી મળતા પોલીસને જાેઇને ગામલોકો ત્યાંથી ભાગી ગયા હતા. આ કેસમાં કોઈ કેસ દાખલ થયો નથી.

ફિલ્મના શૂટિંગ દરમિયાન જ્હોને રન-વે પર એક કરતા વધારે એક્શન સીન શૂટ કર્યા હતા. જ્યાં અભિનેતા પહેલા રન-વે પર બાઇક ચલાવતો હતો. દરમિયાન, ફિલ્મના સીનમાં તેની બાઇક બ્લાસ્ટ થઈ ગઈ હતી. જ્હોનની આ ફિલ્મનું શૂટિંગ યુપીમાં ઘણા દિવસોથી ચાલી રહ્યું છે. અગાઉ આ ફિલ્મનું શૂટિંગ નોઈડામાં થયું છે. કોરોનાને કારણે ફિલ્મનું શૂટિંગ મોડુ શરૂ થયું છે, આવી સ્થિતિમાં કલાકારો ફિલ્મના શૂટિંગને વહેલી તકે પૂર્ણ કરવાનો પ્રયાસ કરવામાં વ્યસ્ત છે. ખાસ વાત એ છે કે આ ફિલ્મમાં અભિનેતા સાથે જેક્લીન ફનાર્ન્ડિઝ અને રકુલપ્રીત સિંહ પણ જાેવા મળશે. લક્ષ્ય રાજ આનંદ આ ફિલ્મનું દિગ્દર્શન કરી રહ્યા છે.