વોશિંગ્ટન-

હિંસા ના ડરથી ફરી એકવાર અમેરિકાના કેપિટલ હિલમાં 4 માર્ચે યુએસમાં સુરક્ષા દળોને એલર્ટ કરી દેવામાં આવ્યા છે. ઉલ્લેખનીય છે કે રાષ્ટ્રપતિની ચૂંટણી અને પરિણામ વચ્ચે યુ.એસ. માં, 6 જાન્યુઆરીએ, ભૂતપૂર્વ રાષ્ટ્રપતિ ડોનાલ્ડ ટ્રમ્પના સમર્થકો કેપિટોલ હિલમાં પ્રવેશ્યા હતા અને સાંસદોએ કોઈ પણ રીતે પોતાનો જીવ બચાવવો પડ્યો હતો.

અધિકારીઓએ યુનાઇટેડ સ્ટેટ્સના સાંસદોને વધુ એક વખત કેપિટોલ પરના હુમલા અંગે ચેતવણી આપી છે. બુધવારે, સ્થાનિક અધિકારીઓએ ધારાસભ્યોને ચેતવણી આપતો સંદેશ આપ્યો હતો કે, 4 માર્ચે કેપિટોલ હિલમાં જોખમ હોવાની સંભાવના છે. આ સાથે સુરક્ષા વ્યવસ્થા કડક બનાવવામાં આવી છે. સૂત્રોને ટાંકીને સીએનએન માં એક અહેવાલ પ્રકાશિત થયો હતો. તદનુસાર, એફબીઆઇ દ્વારા આ માહિતી આપવામાં આવી છે. ગૃહમાં રજૂ કરવામાં આવેલા પોલીસ સલામતી બિલ પર ગુરુવારે થયેલા મતદાનને સ્થગિત કરી દેવામાં આવ્યું છે, જેમાં કોઈ પણ પરિસ્થિતિને પહોંચી વળવા કેપિટોલ હિલની આસપાસ ભારે સુરક્ષાદળો તૈનાત કરવાની સૂચના આપવામાં આવી છે.


Comments

કોમેન્ટ પોસ્ટ કરવા માટે લાગિન કરો