અમેરિકાએ જર્મનીમાંથી લગભગ ૫,૦૦૦ સૈનિકો હટાવવાનો ર્નિણય કર્યો છે. અમેરિકી રક્ષા મંત્રાલય મુજબ, આ પ્રક્રિયા આગામી ૬ થી ૧૨ મહિનામાં પૂરી થશે. આ પગલું સીધા જ અમેરિકી રાષ્ટ્રપતિ ડોનાલ્ડ ટ્રમ્પ અને જર્મન ચાન્સેલર ફ્રેડરિક મર્ઝ વચ્ચેની શાબ્દિક ટપાટપી પછી સામે આવ્યું છે. મર્ઝે ગયા મહિને એક કાર્યક્રમમાં કહ્યું હતું કે અમેરિકા પાસે કોઈ સારું પ્લાનિંગ નથી. તેને ખબર જ નથી કે તે આ યુદ્ધમાંથી કેવી રીતે બહાર નીકળશે. તેમણે કહ્યું કે ઈરાન વાતચીતને ટાળવામાં માહેર છે અને અમેરિકાને કોઈ પરિણામ વિના ઈસ્લામાબાદ સુધી આવ-જા કરવી પડી. આનાથી અમેરિકાને ઈરાન સામે અપમાનિત થવું પડ્યું. આનાથી ટ્રમ્પ નારાજ થઈ ગયા હતા. તેમણે મર્ઝ વિશે કહ્યું કે તેઓ ખૂબ જ ખરાબ કામ કરી રહ્યા છે. તેમને લાગે છે કે ઈરાન પાસે પરમાણુ હથિયારો હોવા એ સારી વાત છે. તેમને વાસ્તવિકતાની સમજ નથી.