મેગાસ્ટાર અમિતાભ બચ્ચનને કોઈ પરિચયની જરૂર નથી. અમિતાભ પોતાની પ્રોફેશનલ અને પર્સનલ લાઈફમાં સારું બેલેન્સ જાળવી રાખે છે. શું તમે જાણો છો કે અમિતાભનું અસલી નામ અમિતાભ બચ્ચન નહીં પરંતુ કંઈક બીજું છે?તમને જણાવી દઈએ કે અમિતાભ બચ્ચનના પિતા ઉત્તર પ્રદેશના હતા. તે કાયસ્થ પરિવારથી આવતા હતા અને માતા શીખ પરિવારમાંથી આવતા હતા. અમિતાભ બચ્ચનનું સાચું નામ ઈન્કલાબ શ્રીવાસ્તવ હતું, તેમની અટક શ્રીવાસ્તવ હતી, જે બદલીને બચ્ચન કરવામાં આવી હતી.કૌન બનેગા કરોડપતિમાં તેણે કહ્યું હતું કે બચ્ચન અટક તેના પિતા શ્રી હરિવંશ રાય બચ્ચનની ભેટ છે. અમિતાભે કહ્યું- મારા પિતા જાતિના બંધનમાં બંધાવા માંગતા ન હતા. તે મુક્ત રહેવા માંગતા હતા. કવિ હોવાને કારણે તેમની બચ્ચન અટક પડી. પછી જ્યારે હું એડમિશન માટે શાળામાં ગયો ત્યારે શિક્ષકે મારી અટક પૂછી અને મારા પિતાએ મને કહ્યું કે મારી અટક બચ્ચન છે. તમે અમારી અટક પરથી જાતિ વિશે જાણી શકશો નહીં. એટલા માટે પિતાએ જાણી જાેઈને આવું કર્યું. હું નસીબદાર છું કે હું આવા પરિવારમાં જન્મ્યો છું અને બચ્ચન અટક સાથે જન્મ્યો છું.