લંડન

સાતમા ક્રમાંકિત ઇટાલીની મેટ્ટીઓ બેરેટ્ટીનીએ શુક્રવારે વિમ્બલ્ડન ખાતે ઇતિહાસ રચ્યો હતો. તેણે સેમિ ફાઇનલમાં પોલેન્ડના હ્યુબર્ટ હરકાઝને ૬-૩, ૬-૦, ૬-૭, ૬-૪ થી થી હરાવ્યો હતો. આ સાથે તે વિમ્બલ્ડનની ફાઇનલમાં પહોંચનાર પ્રથમ ઇટાલિયન ખેલાડી બન્યો. બેરેટિનીનો રવિવારે ફાઇનલમાં વિશ્વના પ્રથમ ક્રમાંકિત નોવાક જોકોવિચ અથવા દસમી ક્રમાંકિત કેનેડાના ડેનિસ શાપોવલોવ સામે ટકરાશે. ચાલો તમને જણાવી દઈએ કે બેરેટ્ટીનીએ પ્રથમ વખત ગ્રાન્ડ સ્લેમની ફાઇનલમાં પ્રવેશ કર્યો છે. 

એડ્રેઆનો પેનેટ્ટા બેરેટ્ટીની પહેલાં ગ્રાન્ડ સ્લેમ ફાઇનલમાં પહોંચનારો છેલ્લો ઇટાલિયન ખેલાડી હતો. તે ૧૯૭૬ માં ફ્રેન્ચ ઓપનની ફાઇનલમાં પહોંચ્યો હતો. તે અગાઉ ૨૦૧૯ માં યુએસ ઓપનની સેમિફાઇનલમાં પહોંચ્યો હતો અને આ વર્ષે ફ્રેન્ચ ઓપનની ક્વાર્ટર ફાઈનલમાં પહોંચ્યો હતો. તે ગ્રાસ કોર્ટ પર તેની ૧૧ મી જીત હતી. તેણે ગયા મહિને ક્વીન્સ ક્લબનો ખિતાબ જીત્યો હતો. આપને જણાવી દઇએ કે બુધવારે પોલેન્ડના ૧૪ મા ક્રમાંકિત હરકાઝે ૨૦ વખતની ગ્રાન્ડ સ્લેમ ચેમ્પિયન રોજર ફેડરરને હરાવીને પ્રથમ વખત ગ્રાન્ડ સ્લેમ ટૂર્નામેન્ટની સેમિફાઇનલમાં પ્રવેશ મેળવ્યો હતો.