વૈજ્ઞાનિકોએ ૫,૩૦૦ વર્ષ જૂની પ્રખ્યાત મમી, ઓત્ઝી ધ આઈસમેન” ના શરીરમાં હાજર માઇક્રોબાયોમનો અભ્યાસ કર્યો છે. સંશોધનમાં જાણવા મળ્યું છે કે આમાંના ઘણા સુક્ષ્મસજીવો હજુ પણ જીવંત છે અને સમય જતાં વિકસિત થઈ રહ્યા છે. ૧૯૯૧માં, યુરોપિયન આલ્પ્સમાં એક માનવ મમી મળી આવી હતી, જેને પાછળથી “ઓત્ઝી ધ આઈસમેન” નામ આપવામાં આવ્યું. વૈજ્ઞાનિકોના મતે, આ વ્યક્તિ લગભગ ૫,૩૦૦ વર્ષ પહેલાં જીવતો હતો. બરફમાં સાચવેલું તેનું શરીર અપવાદરૂપે સારી રીતે સચવાયું હતું, જે પ્રાચીન માનવ જીવનના ઘણા રહસ્યો જાહેર કરે છે. માઇક્રોબાયોમ એ શરીરમાં હાજર બેક્ટેરિયા, ફૂગ અને અન્ય સુક્ષ્મસજીવોનો સંગ્રહ છે. આ સજીવો પાચન, રોગ પ્રતિકાર અને અન્ય ઘણા મહત્વપૂર્ણ કાર્યોમાં ભૂમિકા ભજવે છે. આધુનિક દવામાં, માઇક્રોબાયોમને સ્વાસ્થ્યનું મુખ્ય સૂચક માનવામાં આવે છે. નવા સંશોધનમાં, વૈજ્ઞાનિકોએ ઓત્ઝીના શરીર અને પાચનતંત્રમાંથી લેવામાં આવેલા નમૂનાઓની તપાસ કરી. સંશોધકોએ એવા સુક્ષ્મસજીવો શોધી કાઢ્યા જે હજારો વર્ષ પછી પણ ઓળખી શકાયા. કેટલાક સજીવોમાં સમય જતાં જૈવિક ફેરફારોના સંકેતો પણ જાેવા મળ્યા.સામાન્ય રીતે એવું માનવામાં આવે છે કે આટલા લાંબા સમય પછી સુક્ષ્મસજીવો સંપૂર્ણપણે નાશ પામે છે.