એડમિરલ કૃષ્ણ સ્વામીનાથને ૩૧ મેના રોજ ભારતીય નૌકાદળના નવા વડા તરીકેનો કાર્યભાર સંભાળ્યો. પદ સંભાળ્યા પછી, તેમને સાઉથ બ્લોક સંકુલમાં ઔપચારિક ‘ગાર્ડ ઓફ ઓનર’ આપવામાં આવ્યું. આ સાથે, તેઓ ભારતીય નૌકાદળના ૨૭મા નૌકાદળના વડા બન્યા. બીજી તરફ, નિવૃત્ત નૌકાદળના વડા એડમિરલ દિનેશ કુમાર ત્રિપાઠીએ રાષ્ટ્રીય યુદ્ધ સ્મારકની મુલાકાત લીધી અને દેશ માટે પોતાના જીવનનું બલિદાન આપનારા બહાદુર સૈનિકોને શ્રદ્ધાંજલિ આપી. એડમિરલ ત્રિપાઠી ૩૧ મેના રોજ સેવામાંથી નિવૃત્ત થયા. એડમિરલ કૃષ્ણ સ્વામીનાથનને ૧ જુલાઈ, ૧૯૮૭ ના રોજ ભારતીય નૌકાદળમાં કમિશન આપવામાં આવ્યું હતું. તેમને સંદેશાવ્યવહાર અને ઇલેક્ટ્રોનિક યુદ્ધ પ્રણાલીઓમાં નિષ્ણાત માનવામાં આવે છે. તેમણે રાષ્ટ્રીય સંરક્ષણ એકેડેમી ખડકવાસલામાંથી તેમનું શિક્ષણ પૂર્ણ કર્યું. તેમણે યુનાઇટેડ કિંગડમની જાેઈન્ટ સર્વિસીસ કમાન્ડ એન્ડ સ્ટાફ કોલેજ, કરંજામાં કોલેજ ઓફ નેવલ વોરફેર અને યુનાઇટેડ સ્ટેટ્સમાં ન્યુપોર્ટ નેવલ વોર કોલેજમાંથી પણ ઉચ્ચ શિક્ષણ મેળવ્યું. કારભાર સંભાળ્યા પછી, એડમિરલ સ્વામીનાથને કહ્યું કે તેઓ આ નવી જવાબદારી ગર્વ અને જવાબદારીની ભાવના સાથે સ્વીકારી રહ્યા છે.