અમદાવાદ ગુજરાતના અમદાવાદ શહેરમાં ટ્રાફિક પોલીસ દ્વારા કથિત રીતે પ્રાયોજિત પોસ્ટરો પર વિવાદ ઉભો થયો છે. વિરોધ પક્ષોએ રાજ્ય સરકારને ઘેરી લીધી છે. વાસ્તવમાં, આ પોસ્ટરોમાં મહિલાઓને બળાત્કારથી બચવા માટે ઘરે રહેવાની અપીલ કરવામાં આવી છે. આ પોસ્ટરો અમદાવાદમાં ઘણી જગ્યાએ લગાવવામાં આવ્યા હતા, પરંતુ વિવાદ વધતાં આ બધા પોસ્ટરો દૂર કરવામાં આવ્યા છે. ટ્રાફિક પોલીસ દ્વારા પ્રાયોજિત આ પોસ્ટરોમાં લખ્યું હતું કે ‘મોડી રાતની પાર્ટીઓમાં ભાગ ન લો, તમારી સાથે બળાત્કાર અથવા ગેંગરેપ થઈ શકે છે.’ એવું પણ લખ્યું હતું કે ‘તમારા મિત્રો સાથે ર્નિજન સ્થળોએ ન જાઓ, જાે તમારી સાથે બળાત્કાર કે ગેંગરેપ થાય તો શું થશે?’ અમદાવાદના સોલા અને ચાંદલોડિયા વિસ્તારમાં આવા પોસ્ટરો જાેવા મળ્યા હતા. વિરોધ પક્ષોએ આ પોસ્ટરો પર સરકારને નિશાન બનાવી હતી અને મહિલા સુરક્ષા પર પ્રશ્નો ઉભા કર્યા હતા.ગુજરાત આમ આદમી પાર્ટીએ રાજ્ય સરકાર પર નિશાન સાધતા કહ્યું હતું કે ‘આ પોસ્ટરોએ રાજ્યમાં મહિલા સુરક્ષાના દાવાઓને ખુલ્લા પાડ્યા છે. ગુજરાતમાં ભાજપ સરકાર મહિલા સશક્તિકરણની વાત કરે છે, પરંતુ વાસ્તવિકતા અલગ છે. છેલ્લા ત્રણ વર્ષમાં રાજ્યમાં ૬૫૦૦ થી વધુ બળાત્કાર અને ૩૬ ગેંગરેપની ઘટનાઓ બની છે. આમ, રાજ્યમાં દરરોજ પાંચથી વધુ બળાત્કારની ઘટનાઓ બની છે.  મુખ્યમંત્રી અને ભાજપના નેતાઓ મહિલા સુરક્ષા વિશે વાત કરે છે, પરંતુ અમદાવાદ જેવા મોટા શહેરોમાં આ પોસ્ટરો વાસ્તવિકતા દર્શાવે છે. મુખ્યમંત્રીને અમારો પ્રશ્ન એ છે કે રાજ્યની મહિલાઓએ રાત્રે ઘરની બહાર નીકળવું જાેઈએ કે નહીં? ડેપ્યુટી કમિશનર ઓફ પોલીસ (ટ્રાફિક વેસ્ટ) નીતા દેસાઈએ કહ્યું કે શહેર ટ્રાફિક પોલીસે મહિલા સુરક્ષા નહીં પણ માર્ગ સલામતી સંબંધિત પોસ્ટરો લગાવ્યા હતા. તેમણે દાવો કર્યો હતો કે વિજિલન્સ ગ્રુપ નામની એક એનજીઓએ ટ્રાફિક પોલીસની સંમતિ વિના આ વિવાદાસ્પદ પોસ્ટરો લગાવ્યા હતા. દેસાઈએ કહ્યું, ‘ એનજીઓએ અમારો સંપર્ક કર્યો હતો અને કહ્યું હતું કે તેઓ શાળાઓ અને કોલેજાેમાં ટ્રાફિક જાગૃતિ કાર્યક્રમોનું આયોજન કરવા માંગે છે અને ઇચ્છે છે કે અમારા સ્ટાફ પણ તેમની સાથે રહે. અમને ટ્રાફિક જાગૃતિ સંબંધિત પોસ્ટરો બતાવવામાં આવ્યા હતા. પરંતુ આવા વિવાદાસ્પદ પોસ્ટરો અમને બતાવવામાં આવ્યા ન હતા અને અમારી સંમતિ વિના ચોંટાડવામાં આવ્યા હતા. તેમણે વધુમાં કહ્યું કે જ્યારે આ બાબત તેમના ધ્યાન પર લાવવામાં આવી ત્યારે પોસ્ટરો તાત્કાલિક દૂર કરવામાં આવ્યા હતા.