દિલ્હી-

મંગળવારે દિલ્હીની સર ગંગારામ હોસ્પિટલના એક અહેવાલમાં જણાવવામાં આવ્યું છે કે, ભારતમાં પ્રથમ વખત કોવિડ-19 દર્દીઓમાં સાયટોમેગાલોવાયરસ સંબંધિત રેક્ટલ રક્તસ્રાવના પાંચ કેસ નોંધાયા છે. તે કોરોનામાં સંક્રમિત થયાના થોડા દિવસ પછી મળી આવ્યો હતો.

સર ગંગારામ હોસ્પિટલના લીવર ગેસ્ટ્રોએંટોરોલોજી અને પેનક્રેટીકોબિલરી સાયન્સિસના અધ્યક્ષ પ્રો.અનિલ અરોરાના જણાવ્યા અનુસાર, એપ્રિલ-મે 2021માં, COVID-19ની બીજી લહેર દરમિયાન, હોસ્પિટલમાં સીએમવી સંક્રમણના પાંચ કેસ જોવા મળ્યા છે. આ કેસ દર્દીઓમાં જોવા મળ્યા હતા, જે કોરોના વાયરસથી પ્રતિરક્ષિત હતા. ડૉ.અરોરાએ કહ્યું કે, “આ દર્દીઓએ પેટમાં દુખાવો અને મળમાંથી લોહી નીકળવાની ફરિયાદ કરી હતી. આ દર્દીઓએ કોરોના વાયરસની પુષ્ટિ થયા પછી 20 થી 30 દિવસ પછી આ વિશે ફરિયાદ કરી હતી.

તેમણે કહ્યું કે, કોવિડ સંક્રમણ અને તેની સારવાર માટે ઉપયોગમાં લેવામાં આવતી દવાઓ દર્દીઓની પ્રતિરક્ષાને દબાવશે. આને કારણે કોરોનામાંથી સાજા થયા પછી પણ, તેઓ અસામાન્ય સંક્રમણ માટે સંવેદનશીલ હોય છે અને આવા એક તકવાદી સંક્રમણએ સાયટોમેગાલોવાયરસ (સીએમવી) છે.

તેમણે જણાવ્યું હતું કે, “સાયટોમેગાલોવાયરસ 80 થી 90 ટકા ભારતીય વસ્તીમાં અસિમ્પ્ટોમેટિક સ્વરૂપમાં હાજર છે. આપણી મજબૂત ઈમ્યુનિટી તેમને અસિમ્પ્ટોમેટિક બનાવી રાખે છે. પરંતુ તેના લક્ષણો તે દર્દીઓમાં જોવા મળે છે જેમની પ્રતિરક્ષા ક્ષમતા ઓછી હોય છે.

બે વ્યક્તિના થયા મોત

તેમણે જણાવ્યું હતું કે, તાજેતરના કેસોમાં તમામ દર્દીઓમાં લો લિમ્ફોસાઇટ કાઉંટ (સામાન્ય રીતે 20 થી 40 ટકાની તુલનામાં 6-10 ટકા) મળી આવી છે. " તેમણે એમ પણ કહ્યું કે, “30-70 વર્ષની વય જૂથના પાંચ કેસોમાંથી ચાર કેસ દિલ્હી એનસીઆરના હતા. તેમનામાં ગેસ્ટ્રોઇંટેસ્ટાઇનલ રક્તસ્રાવ  હતો, જે મળમાં લોહી વહેવું છે. તે જ સમયે, એક દર્દીને આંતરડામાં અવરોધ થતો હતો.

ડૉ.અરોરાએ જણાવ્યું હતું કે, “એક દર્દીને ભારે રક્તસ્રાવ થયો હતો, જેના કારણે તેનું મોત નિપજ્યું હતું. જ્યારે એકને સર્જરીની જરૂર હતી. એક COVID-19ને કારણે ભારે રક્તસ્રાવ અને છાતીની સમસ્યામાં મૃત્યુ પામ્યો. અન્ય ત્રણ દર્દીઓની ગૈનિક્લોવિઅર અને એન્ટિવાયરલ થેરાપી દ્વારા સફળતાપૂર્વક સારવાર કરવામાં આવી હતી.

'સમયસર ઈલાજ જ એકમાત્ર સારવાર છે'

સર ગંગારામ હોસ્પિટલના સિનિયર કન્સલ્ટન્ટ પેથોલોજિસ્ટ, ડૉ. સુંદા જૈને જણાવ્યું હતું કે, “સાયટોમેગાલોવિનર્સની કોલાઈટીસની પુષ્ટિ સીએમવી વિરેનિયા માટે પીસીઆર ટેસ્ટીંગ અને મોટા આંતરડામાંથી ટીશ્યુ બાયોપ્સી દ્વારા કરવામાં આવી હતી, જેમાં ઇન્ટ્રાન્યુક્લિયર ઈન્કુજન બોડીઝ બતાવવામાં આવી હતી. તેમણે કહ્યું હતું કે વહેલા નિદાન અને સમયસર સારવાર જ એક નિવારણ છે.