ઈરાને મીનાબમાં એક શાળા પર થયેલા ઘાતક મિસાઈલ હુમલા અંગે એક મોટો ખુલાસો કર્યો છે, જેમાં બે યુએસ નેવી અધિકારીઓને જવાબદાર ઠેરવ્યા છે.

આ હુમલામાં આશરે ૧૭૫ લોકો માર્યા ગયા હતા, જેમાં મોટી સંખ્યામાં બાળકોનો પણ સમાવેશ થાય છે. ભારતમાં ઈરાની દૂતાવાસે એક્સ પર પોસ્ટ કરીને લખ્યું હતું કે, ત્રણ મિસાઈલ ચલાવીને ૧૬૮ નિર્દોષ બાળકોને મારી નાખનારા આ બે ક્રૂર લોકોને યાદ રાખો.” દક્ષિણ આફ્રિકા અને નાઈજીરીયાના દૂતાવાસોએ સમાન ગંભીર નિવેદનો જારી કર્યા હતા, જેમાં પ્રશ્ન ઉઠાવવામાં આવ્યો હતો કે શું આ અધિકારીઓના પોતાના કોઈ બાળકો નથી. રવિવારે ભારત, દક્ષિણ આફ્રિકા અને નાઈજીરીયામાં ઈરાની દૂતાવાસોએ આ અધિકારીઓના ફોટા જાહેર કર્યા અને તેમના નામ જાહેર કર્યા. બે યુએસ નેવી અધિકારીઓનો ફોટો શેર કરતા તેમણે લખ્યું, આ બે ગુનેગારોને યાદ રાખો.

કમાન્ડર લી આર. ટેટ અને એક્ઝિક્યુટિવ ઓફિસર જેફરી ઇ. યોર્ક. તેમણે મિનાબની એક શાળામાં ત્રણ વખત ટોમાહોક મિસાઇલો ચલાવવાનો આદેશ આપ્યો હતો, જેમાં ૧૬૮ નિર્દોષ બાળકો માર્યા ગયા હતા. ઇતિહાસના પુસ્તકોમાં વિવાદના અસંખ્ય કાળા પાના છે, પરંતુ તાજેતરમાં ઈરાની શહેર મિનાબમાં જાેવા મળેલા દ્રશ્યે માનવતાને હંમેશ માટે શરમજનક બનાવી દીધી છે. પશ્ચિમ એશિયામાં તણાવ વચ્ચે, ઈરાની શહેર મિનાબમાં ‘શાઝરે તૈયબા’ ગર્લ્સ સ્કૂલ પર એક, બે નહીં, પરંતુ ત્રણ ટોમાહોક મિસાઇલો સતત છોડવામાં આવી હતી. આ ભયાનક હુમલામાં ૧૬૮ નિર્દોષ સ્કૂલની વિદ્યાર્થિનીઓ ભાંગી પડી હતી. આખું સ્કૂલ કેમ્પસ એક જ ક્ષણમાં કાટમાળમાં ફેરવાઈ ગયું હતું.

હુમલા બાદ, યુએસ સૈન્યએ લક્ષ્યાંકિત ભૂલનો દાવો કર્યો હતો. તેણે દલીલ કરી હતી કે જૂની ગુપ્ત માહિતીના આધારે, સૈન્ય માનતું હતું કે શાળા સંકુલ ખરેખર ઈરાની લશ્કરી થાણું હતું. ડેટા સ્પષ્ટપણે દર્શાવે છે કે પહેલી મિસાઇલ પડ્યા પછી, જ્યારે ચીસો પડી હતી અને સ્થાનિક લોકો અને બચાવકર્તાઓ કાટમાળમાંથી બાળકોને બહાર કાઢવા દોડી આવ્યા હતા, અને તે જ ક્ષણે, બીજી અને પછી ત્રીજી મિસાઇલ છોડવામાં આવી હતી..