છ વખતના ઇટાલિયન ઓપન ચેમ્પિયન નોવાક જાેકોવિચ વિશ્વના ૭૯મા ક્રમાંકિત ડારિયો પ્રિઝમિક સામે ત્રણ સેટ ગુમાવ્યા બાદ ટુર્નામેન્ટમાંથી બહાર થઈ ગયા. પ્રથમ સેટ ગુમાવ્યા બાદ પ્રિઝમિકે જાેરદાર વાપસી કરી અને બીજાે અને ત્રીજાે સેટ જીતીને મેચ પોતાના નામે કરી. પ્રિઝમિકે જાેકોવિચને ૨-૬, ૬-૨, ૬-૪ થી હરાવીને તેને ટુર્નામેન્ટમાંથી બહાર કરી દીધો.આ પહેલી વાર છે જ્યારે જાેકોવિચ ઇટાલીની રાજધાનીમાં પોતાની શરૂઆતની મેચ હારી ગયો છે. પ્રિઝમિક પાસે હવે બે ટોપ-૧૦ જીત છે. તેણે ગયા મહિને મેડ્રિડમાં છ્ઁ માસ્ટર્સ ૧૦૦૦ ઇવેન્ટના ત્રીજા રાઉન્ડમાં બેન શેલ્ટનને હરાવ્યો હતો.

૨૦ વર્ષીય પ્રિઝમિક પહેલીવાર આ સ્તરે ચોથા રાઉન્ડમાં પહોંચવાનું લક્ષ્ય ધરાવે છે. તેનો આગામી મુકાબલો યુગો હમ્બર્ટ સામે થશે.જાેકોવિચે પહેલો સેટ ફક્ત ૪૦ મિનિટમાં જીતી લીધો. બીજા સેટમાં તેનું લેવલ નીચે આવી ગયું. તેના શોટમાં ઊંડાઈ ઓછી થઈ ગઈ. તેની ચોકસાઈ ઓછી થઈ ગઈ. તેના ચહેરા પર ગુસ્સો અને હતાશા સ્પષ્ટ દેખાઈ રહી હતી, અને તે ટૂંક સમયમાં જ ર્નિભય પ્રિઝમિક સામે ૪-૦થી પાછળ પડી ગયો.યુવા ક્રોએશિયન ખેલાડીએ દબાણ ચાલુ રાખ્યું, જેના કારણે ૨૪ વખતના ગ્રાન્ડ સ્લેમ ચેમ્પિયનને વધુ ભૂલો કરવા મજબૂર કર્યા અને મેચને નિર્ણાયક ત્રીજા સેટમાં લઈ ગયો.શરૂઆતમાં નિર્ણાયક સેટમાં જાેકોવિચે પોતાની હિંમત જાળવી રાખી હતી.