નેપાળના પર્વતારોહક કામી રીતા શેરપાએ રવિવારે ૩૨મી વખત વિશ્વના સૌથી ઊંચા શિખર પર ચઢાણ કરીને માઉન્ટ એવરેસ્ટ પર સૌથી વધુ ચઢાણ કરવાનો પોતાનો જ વિશ્વ રેકોર્ડ તોડીને ઇતિહાસ રચ્યો. ૫૬ વર્ષીય અનુભવી પર્વતારોહક રવિવારે સવારે ૧૦:૧૨ વાગ્યે ૮,૮૪૯ મીટર ઊંચા શિખર પર પહોંચ્યા.તે ૧૪ પીક્સ એક્સપિડિશન દ્વારા સંચાલિત એક અભિયાનનું નેતૃત્વ કરી રહ્યા હતા, એમ તેમાં જણાવાયું છે. એવરેસ્ટ બેઝ કેમ્પ ખાતે સ્થિત વિભાગના ક્ષેત્ર કાર્યાલય દ્વારા સફળ ચઢાણની પુષ્ટિ કરવામાં આવી હતી.પ્રવાસન વિભાગે શેરપાને અભિનંદન આપતા કહ્યું કે તેમની સિદ્ધિ નેપાળના પર્વતારોહણ ક્ષેત્ર અને તેની આંતરરાષ્ટ્રીય પ્રોફાઇલમાં મહત્વપૂર્ણ યોગદાન દર્શાવે છે.જાન્યુ.૧૯૭૦માં કોશી પ્રાંતના સોલુખુમ્બુ જિલ્લાના એક ગામમાં જન્મેલા કામી રીટાએ ૧૯૯૨માં વ્યાવસાયિક પર્વતારોહક તરીકે પર્વતારોહણ શરૂ કર્યું હતું.કામીએ ૧૯૯૪માં પહેલી વાર માઉન્ટ એવરેસ્ટ પર ચઢાણ કર્યું હતું.