રાજસ્થાન રોયલ્સ ટીમના મેનેજર રોમી ભીંડરને ડગઆઉટમાં ફોનનો ઉપયોગ કરવા બદલ દંડ ફટકારવામાં આવ્યો છે.BCCI એ તેમને ભવિષ્યમાં ભૂલ ન કરવા ચેતવણી પણ આપી છે.

ગુવાહાટીના બારસાપારા ક્રિકેટ સ્ટેડિયમમાં ૧૦ એપ્રિલે રોયલ ચેલેન્જર્સ બેંગ્લોર સામેની IPL ૨૦૨૬ મેચ દરમિયાન ડગઆઉટમાં મોબાઇલ ફોનનો ઉપયોગ કરવા બદલ રાજસ્થાન રોયલ્સ ટીમના મેનેજર રોમી ભીંડરને ૧ લાખનો દંડ ફટકારવામાં આવ્યો છે અને સત્તાવાર ચેતવણી જારી કરવામાં આવી છે.

ભારતીય ક્રિકેટ કંટ્રોલ બોર્ડ ના ભ્રષ્ટાચાર વિરોધી અને સુરક્ષા એકમ એ મેચ દરમિયાન ઉપકરણનો ઉપયોગ કરવા બદલ ભીંડરને કારણદર્શક નોટિસ જારી કરી અને ૪૮ કલાકની અંદર જવાબ માંગ્યો.BCCI સેક્રેટરી દેવજીત સૈકિયાએ પુષ્ટિ આપી કે ભ્રષ્ટાચાર વિરોધી અને સુરક્ષા એકમ ભીંડરના ખુલાસાથી સંતુષ્ટ નથી, જેના કારણે તેમને દંડ અને ઉલ્લંઘન માટે ચેતવણી આપવામાં આવી છે.

દેબજીત સૈકિયાએ જણાવ્યું હતું કે, “રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચેની મેચ દરમિયાન આ ઉલ્લંઘન થયું હતું, જ્યાં ગુવાહાટીમાં અમારા ભ્રષ્ટાચાર વિરોધી એકમે ઉલ્લંઘનની નોંધ લીધી અને ૧૨ એપ્રિલે તેમને સ્પષ્ટીકરણ નોટિસ જારી કરી. રોમી ભીંડરને ડગઆઉટ વિસ્તારમાં પોતાનો મોબાઇલ ફોન લઈને જતા જાેવામાં આવ્યો હોવાથી તેમને જવાબ આપવા માટે ૪૮ કલાકનો સમય આપવામાં આવ્યો હતો. તે પોતાનો મોબાઇલ ફોન હાથમાં પકડી શકે છે, પરંતુ ડગઆઉટ વિસ્તારમાં લઈ જઈ શકતો નથી. તેથી, તેમની પાસેથી સ્પષ્ટતા માંગવામાં આવી હતી, અને રોમી ભીંડરે નિર્ધારિત ૪૮ કલાકમાં જવાબ આપ્યો હતો. ભ્રષ્ટાચાર વિરોધી એકમે તેમના જવાબની તપાસ કરી અને તેને અસંતોષકારક જણાયો.”તેમણે વધુમાં કહ્યું, “આ પહેલી વાર છે જ્યારે તેમણે IPL PMOAપ્રોટોકોલનું ઉલ્લંઘન કર્યું છે તે ધ્યાનમાં લેતા, ભ્રષ્ટાચાર વિરોધી એકમે તેમના પર ૧ લાખ રૂપિયાનો દંડ ફટકારવાનો ર્નિણય લીધો. તેમને ભવિષ્યમાં આવા ઉલ્લંઘનો અથવા IPL PMOAપ્રોટોકોલનું ઉલ્લંઘન ન કરવાની ચેતવણી પણ આપવામાં આવી હતી.”

IPL વેબસાઇટ પર ઉપલબ્ધ (પ્લેયર અને મેચ ઓફિસિયલ્સ એરિયા) માર્ગદર્શિકા અનુસાર, “ટીમ મેનેજર ડ્રેસિંગ રૂમમાં ફોનનો ઉપયોગ કરી શકે છે, પરંતુ ડગઆઉટમાં નહીં.” ભિંડર ૨૦૦૮ માં લીગની શરૂઆતથી રાજસ્થાન રોયલ્સ સાથે સંકળાયેલા છે અને ૧૫ વર્ષીય સૂર્યવંશીના સ્થાનિક વાલી તરીકે પણ સેવા આપે છે.

 ભિંડર ૨૦૧૬ અને ૨૦૧૭ માં રાજસ્થાન રોયલ્સના પ્રતિબંધ દરમિયાન રાઇઝિંગ પુણે સુપરજાયન્ટ્સ સાથે હતા. દેવજીત સૈકિયાએ કહ્યું, BCCI વતી હું આટલું જ કહી શકું છું અને અમને આશા છે કે સંકળાયેલા દરેકને નિયમોનું કડક પાલન કરવા માટે એક પાઠ તરીકે કામ કરશે.’