યુએસ પ્રમુખ ડોનાલ્ડ ટ્રમ્પ અંગે ઈરાની મીડિયામાં તાજેતરના અહેવાલમાં દાવો કરવામાં આવ્યો છે કે ઈરાની સરકાર સંસદમાં ટ્રમ્પની હત્યા માટે ૫૦ મિલિયન યુરોનું ઇનામ આપવાની દરખાસ્ત રજૂ કરવાની તૈયારી કરી રહી છે. ઈરાન વાયર અનુસાર, ઈરાની સંસદની રાષ્ટ્રીય સુરક્ષા અને વિદેશ નીતિ સમિતિના અધ્યક્ષ ઈબ્રાહિમ અઝીઝીએ ઇસ્લામિક રિપબ્લિકની લશ્કરી અને સુરક્ષા એજન્સીઓ દ્વારા “પ્રતિ-કાર્યવાહી” યોજનાનો મુસદ્દો તૈયાર કરવાની જાહેરાત કરી છે. આ મુસદ્દામાં ડોનાલ્ડ ટ્રમ્પની હત્યા માટે ૫૦ મિલિયન યુરોનું ઇનામ આપવાની દરખાસ્તનો સમાવેશ થાય છે.

અઝીઝીએ કહ્યું કે ટ્રમ્પ, ઇઝરાયલી વડા પ્રધાન બેન્જામિન નેતન્યાહૂ અને યુએસ સેન્ટ્રલ કમાન્ડ (સેન્ટકોમ) ના કમાન્ડરને પ્રતિ-કાર્યવાહી માટે નિશાન બનાવવું જાેઈએ. અઝીઝીએ કહ્યું કે ઈરાનના સુપ્રીમ લીડર, આયાતુલ્લાહ અલી ખામેનીની હત્યામાં તેમની ભૂમિકાને કારણે તેમને નિશાન બનાવવા જાેઈએ. સરકારના સમર્થક અલી અકબર રૈફીપુરના મીડિયા આઉટલેટ, મસાફે અગાઉ દાવો કર્યો હતો કે “કિલ ટ્રમ્પ” નામના અભિયાન માટે ૫૦ મિલિયન નાણાકીય સંસાધનો સુરક્ષિત કરવામાં આવ્યા હતા. ઈરાન વાયરે અહેવાલ આપ્યો હતો કે હેકિંગ જૂથ “હંડાલા” એ એક નિવેદન બહાર પાડીને દાવો કર્યો હતો કે જૂથ ટ્રમ્પ અને નેતન્યાહૂને ખતમ કરવા માટે ૫૦ મિલિયન પ્રદાન કરશે.