તમિલનાડુમાં સરકાર રચના અંગે સસ્પેન્સ ચાલુ છે. ટીવીકેના વડા વિજયે આજે ફરી એકવાર રાજભવનની મુલાકાત લીધી અને રાજ્યપાલ રાજેન્દ્ર વિશ્વનાથ આર્લેકરને મળ્યા. જાેકે, રાજ્યપાલે સ્પષ્ટ સંકેત આપ્યો છે કે ફક્ત સૌથી મોટી પાર્ટી બનવાથી સરકાર રચનાનો માર્ગ સરળ બનશે નહીં.

સૂત્રોના જણાવ્યા અનુસાર, રાજ્યપાલ મક્કમ છે કે વિજયે પહેલા વિધાનસભામાં સ્પષ્ટ બહુમતી દર્શાવવી જાેઈએ. રાજભવન માને છે કે તમિલનાડુ જેવા મોટા રાજ્યમાં અસ્થિર સરકારનું જાેખમ લઈ શકાય નહીં, તેથી ૨૩૪ સભ્યોની વિધાનસભામાં બહુમતી માટે જરૂરી ૧૧૮ ધારાસભ્યોનો ટેકો સાબિત કરવો જરૂરી રહેશે. સૂત્રો કહે છે કે રાજ્યપાલે સ્પષ્ટ કર્યું છે કે ફક્ત સમર્થન પત્રો અથવા મૌખિક દાવાઓ પૂરતા નથી. રચાયેલી સરકાર સ્થિર રહે અને વિધાનસભામાં બહુમતી સાબિત કરી શકે તે માટે તેમને ૧૧૮ ધારાસભ્યોના મજબૂત સમર્થનની જરૂર છે. સૂત્રોના જણાવ્યા અનુસાર, રાજ્યપાલ આર્લેકરે વિજયને વહીવટની સ્થિરતા અંગે અનેક મહત્વપૂર્ણ પ્રશ્નો પૂછ્યા. રાજ્યપાલે પ્રશ્ન કર્યો કે તેઓ ૧૧૮ ની જરૂરી બહુમતી સામે માત્ર ૧૧૩ ધારાસભ્યો (સમર્થન સહિત) સાથે સ્થિર સરકાર કેવી રીતે ચલાવી શકશે. તેમણે ટીવીકેને બિનશરતી સમર્થન આપવા તૈયાર પક્ષોની યાદી પણ માંગી. જવાબમાં, વિજયે સ્પષ્ટતા કરી કે તેઓ ગૃહના ફ્લોર પર “ફ્લોર ટેસ્ટ” તરીકે પોતાનો બહુમતી સાબિત કરવા માટે સંપૂર્ણપણે તૈયાર છે. એવું પણ અહેવાલ છે કે જાે રાજ્યપાલ સરકાર બનાવવાની તેમની કોશિશને નકારી કાઢે છે તો ટીવીકેએ તેના કાનૂની વિકલ્પો ખુલ્લા રાખ્યા છે. હકીકતમાં, ટીવીકેએ ૨૩ એપ્રિલની વિધાનસભા ચૂંટણીમાં શાનદાર પ્રદર્શન કર્યું હતું, ૧૦૮ બેઠકો જીતીને સૌથી મોટો પક્ષ બન્યો હતો. જાેકે, વિજયે પોતે બે બેઠકો જીતી હતી અને નિયમો મુજબ, એક બેઠક ખાલી કરવી પડશે. આનાથી પાર્ટીની અસરકારક સંખ્યા ઘટીને ૧૦૭ થઈ જશે.

 રાજ્યપાલની શરત પર ડ્ઢસ્દ્ભ-સ્દ્ગસ્ અને ફઝ્રદ્ભનો વિજયને સાથ મળશે

રાજ્યપાલ આર.વી. આર્લેકર દ્વારા ૧૦૮ બેઠકો જીતવા છતાં થલાપતિ વિજયની પાર્ટી તમિલગા વેત્રી કઝગમ (ટીવીકે)ને સરકાર બનાવવા દેવાનો ઇનકાર કરવાથી હોબાળો મચી ગયો છે. દરમિયાન, તમિલનાડુના ભૂતપૂર્વ શાસક પક્ષ ડીએમકે, કમલ હાસનના એમએનએમ, વીસીકે અને સીપીઆઈએ સાથે મળીને વિજય અને ટીવીકેને ટેકો આપ્યો છે. તમિલનાડુના રાજકીય પક્ષોએ રાજ્યપાલ દ્વારા વિજયને સરકાર બનાવવા માટે આમંત્રણ આપવાના ઇનકારને જનાદેશનું અપમાન ગણાવ્યું છે. હકીકતમાં, વિજયની તમિલગા વેત્રી કઝગમ વિધાનસભા ચૂંટણીમાં ૧૦૮ બેઠકો જીતીને રાજ્યની સૌથી મોટી પાર્ટી તરીકે ઉભરી આવી. જાેકે, તમિલનાડુ વિધાનસભામાં બહુમતીનો આંકડો ૧૧૮ છે. વિજય હાલમાં સરકાર બનાવવા માટે જરૂરી ૧૧૮ બેઠકોથી ૧૦ બેઠકો ઓછી છે. જાેકે, કોંગ્રેસ પાર્ટીના સમર્થનથી હવે કુલ ૧૧૩ ધારાસભ્યો છે, જે હજુ પણ બહુમતીથી ૫ બેઠકો ઓછી છે.

  શપથ અગાઉ વિજય સામે હ્લૈંઇ નોંધવા આદેશ

મદ્રાસ હાઈકોર્ટમાં અભિનેતા અને તમિલગા વેત્રી કઝગમ (ટીવીકે) ના વડા વિજય વિરુદ્ધ આવકવેરામાં ગેરરીતિના આરોપમાં એફઆઈઆર નોંધવાની માંગ કરતી રિટ અરજી દાખલ કરવામાં આવી છે. આ કેસ ૨૦૧૫ની ફિલ્મ પુલી સાથે સંબંધિત હોવાનું કહેવાય છે. હાઈકોર્ટના રજિસ્ટ્રીએ બુધવારે (૬ મે, ૨૦૨૬) અરજીને નંબર આપ્યો હતો અને તેને જલદી મેન્ટેનેહબિલિટી (સ્વીકાર્યતા ના મુદ્દા પર ટૂંક સમયમાં સુનાવણી માટે સૂચિબદ્ધ થવાની અપેક્ષા છે.