મુસાફરોને લાંબા સમય બાદ મોટી રાહત મળી

વિકાસ કાર્યોના ભાગરૂપે પ્લેટફોર્મ નંબર 1 પર કામગીરી હાથ ધરવામાં આવી હતી

સુરત શહેરના ઉધના રેલવે સ્ટેશનને આધુનિક વિશ્વ કક્ષાના સ્ટેશન તરીકે વિકસાવવાની ચાલી રહેલી મહત્વાકાંક્ષી યોજના અંતર્ગત બીજા તબક્કાની કામગીરી સફળતાપૂર્વક પૂર્ણ થઈ ગઈ છે. આ કામગીરીને કારણે મુસાફરોની સુવિધા માટે અગાઉ હંગામી ધોરણે બંધ કરાયેલા કેટલીક ટ્રેનોના સ્ટોપેજ આજથી ફરી શરૂ કરી દેવામાં આવ્યા છે, જેનાથી હજારો દૈનિક મુસાફરોને મોટી રાહત મળી છે.ઉધના રેલવે સ્ટેશન પર ચાલી રહેલા વિકાસ કાર્યોના ભાગરૂપે પ્લેટફોર્મ નંબર 1 પર કામગીરી હાથ ધરવામાં આવી હતી. આ કામગીરી દરમિયાન રેલવે ટ્રેક અને પ્લેટફોર્મ સંબંધિત માળખાકીય સુધારાઓ કરવા માટે કેટલાક 'બ્લોક' (ટ્રેન સંચાલન પર પ્રતિબંધ) લેવામાં આવ્યા હતા. આ કારણોસર, મહત્વપૂર્ણ ટ્રેનોના સ્ટોપેજ રદ કરવામાં આવ્યા હતા જેથી નિર્માણ કાર્યમાં કોઈ અવરોધ ન આવે.પશ્ચિમ રેલવે દ્વારા જાહેરાત કરવામાં આવી છે કે બીજા તબક્કાનું કામકાજ પૂર્ણ થયા બાદ નીચે મુજબની ટ્રેનો માટે ઉધના સ્ટેશન પર સ્ટોપેજ પુનઃસ્થાપિત કરવામાં આવ્યા છે. વલસાડ-અમદાવાદ ગુજરાત ક્વિન એક્સપ્રેસવલસાડ-વડોદરા પેસેન્જરવિરાર-ભરૂચ એક્સપ્રેસવલસાડ-સુરત મેમુબોરીવલી-વટવા એક્સપ્રેસમુંબઈ-સુરત ફ્લાઈંગ ક્વીન એક્સપ્રેસસંજન-સુરત મેમુઆ નિર્ણયથી દક્ષિણ ગુજરાતના મુસાફરોને, ખાસ કરીને જેઓ રોજિંદા અવર-જવર કરે છે, તેમને ઘણો ફાયદો થશે. ઉધના રેલવે સ્ટેશનનું આધુનિકીકરણ થવાથી ભવિષ્યમાં મુસાફરોને વધુ સારી સુવિધાઓ અને ઝડપી સેવાઓ મળવાની અપેક્ષા છે.