ભૂકંપ બાદ સુનામીનું એલર્ટ જાહેર કરાયું

રશિયાના કામચટકા ટાપુ પર ફરી એકવાર જોરદાર ભૂકંપનો આંચકો અનુભવાયો છે. અમેરિકન વિજ્ઞાનીઓના સરવે અનુસાર આ ભૂકંપની તીવ્રતા 7.8 નોંધાઈ હતી.ભૂકંપનું કેન્દ્ર જમીનથી લગભગ 10 કિ.મી. ઊંડે હતું. કામચટકા ક્ષેત્રના ગવર્નરે આ અંગે ટેલીગ્રામ પર જાણકારી આપતાં કહ્યું કે પૂર્વ કિનારે સુનામીના ખતરાને જોતાં ચેતવણી જાહેર કરી દેવામાં આવી છે. સ્થાનિકોને સાવચેત કરી દેવામાં આવ્યા છે. જોકે અત્યાર સુધી કોઈ મોટી જાનહાનિના સમાચાર સામે આવ્યા નથી.

આ વિસ્તાર વિશ્વના સૌથી વધુ ભૂકંપની રીતે સક્રિય ઝોનમાંનો એક છે, જ્યાં પેસિફિક પ્લેટ અને ઉત્તર અમેરિકન પ્લેટ મળે છે. આ જ કારણ છે કે અહીં ભૂકંપ સામાન્ય બાબત બની ગયા છે. શનિવારે, કામચટકાના દરિયાકાંઠે 7.4 ની તીવ્રતાનો બીજો ભૂકંપ આવ્યો હતો.