દિલ્હી-

વિદેશ પ્રધાન એસ. જયશંકરે બુધવારે કહ્યું હતું કે અમેરિકાએ જૂથો (ગઠબંધન) થી આગણ વિચારવુ જોઈએ અને બહુધ્રુવિય દુનિયામાં રહેવાનું શીખવું જોઈએ. વિદેશ પ્રધાને યુએસ-ભારત બિઝનેસ કાઉન્સિલની 'ઇન્ડિયા આઈડિયાઝ સમિટ' માં આ વાત કહી હતી. જયશંકરે અગાઉ પણ કહ્યું હતું કે ભારત ક્યારેય કોઈ જૂથનો ભાગ નહોતો અને ક્યારેય નહીં બને. જયશંકરે કહ્યું, મને લાગે છે કે અમેરિકાએ વધુ બહુધ્રુવિય અને બહુપક્ષીય પ્રણાલીમાં કામ કરવાનું શીખવાની જરૂર છે. તે છેલ્લી બે પેઢીમાં જે જોડાણ અને ભાગીદારી સાથે આગળ વધ્યું છે તે વર્તુળમાંથી બહાર આવવું પડશે.

જયશંકરે કહ્યું કે, હું ખાસ કરીને ભારત વિશે વાત કરી રહ્યો છું, આપણી સ્વતંત્રતાના ઇતિહાસ પર નજર નાખો, અમે સંપૂર્ણપણે જુદા જુદા સ્થળોથી આવ્યા છીએ. ઘણા મુદ્દાઓ હશે જ્યાં આપણી વિચારસરણી સમાન હશે જ્યારે જુદા જુદા મુદ્દાઓ પર જુદા. આપણે ભવિષ્યમાં વધુ કોમન ગ્રાઉન્ડ શોધવુ પડશે.

ભારત અને યુનાઇટેડ સ્ટેટ્સ આક્રમક ચીનનો સામનો કરી રહ્યા છે અને ચીન સાથેના બંને દેશોના સંબંધો તણાવપૂર્ણ છે. જયશંકરે કહ્યું, "આજે આપણી સાથે મળીને વિશ્વને નવું આકાર આપવાની ક્ષમતા છે. આપણે દરિયાઇ સુરક્ષા, આતંકવાદ, નિવારણ, કનેક્ટિવિટી, હવામાન પરિવર્તન અને કોરોના રોગચાળા સહિતના તમામ મુદ્દાઓ પર કામ કરી શકીએ છીએ." તેથી, મને લાગે છે કે દ્વિપક્ષીય કાર્યસૂચિને મજબૂત બનાવતી વખતે આપણે મોટા એજન્ડા પર પણ કામ કરવું જોઈએ.

જયશંકરનું નિવેદન એવા સમયે આવ્યું છે જ્યારે અમેરિકા સતત આક્રમક ચીન વિરુધ્ધ ગઠબંધન રચવાની વાત કરે છે. તાજેતરમાં જ, પોમ્પોએ કહ્યું હતું કે, ચીને ગેરકાયદેસર રીતે સમુદ્ર કબજે કર્યો છે, હિમાલયના દેશોને ધમકી આપી છે, કોરોના વાયરસ રોગચાળાને ખુલ્લો પાડ્યો છે, અને તેના હિતોની સેવા આપવા માટે શરમજનક રીતે રોગચાળાનું શોષણ કર્યું છે.