અંડર-૧૮ એશિયા કપ માટે ભારતીય મહિલા હોકી ટીમની જાહેરાત, સ્વીટી કુજુરને કેપ્ટન બનાવવામાં આવી હોકી ઇન્ડિયાએ શુક્રવારે જાપાનના કાકામિગહારાછમાં ૨૯ મે થી ૬ જૂન દરમિયાનછ યોજાનાર મહિલા અંડર-૧૮ એશિયા કપ માટે ૧૮ સભ્યોની ટીમની જાહેરાત કરી છે. સ્વીટી કુજુરને ટીમની કેપ્ટન બનાવવામાં આવી છે.ભારતીય ટીમ ભોપાલમાં રાષ્ટ્રીય શિબિરમાં ઘણા અઠવાડિયાની તૈયારી પછી ટુર્નામેન્ટમાં પ્રવેશ કરી રહી છે, જ્યાં રાની રામપાલની આગેવાની હેઠળના કોચિંગ સ્ટાફે કોમ્બિનેશન વિકસાવવા, મેચ ફિટનેસ સુધારવા અને ટેકનિકને સંપૂર્ણ બનાવવા પર ધ્યાન કેન્દ્રિત કર્યું હતું. આ ટુર્નામેન્ટ સ્વીટી કુજુરની આગેવાની હેઠળની યુવા ભારતીય ટીમ માટે એશિયાની કેટલીક મજબૂત ટીમો સામે પોતાને ચકાસવાની તક હશે. તેમની તૈયારીઓના ભાગ રૂપે, ભારતીય ટીમે ભોપાલમાં ઓસ્ટ્રેલિયા સામે ચાર મેચની શ્રેણી રમી, જેનો અંત યજમાન ટીમે આત્મવિશ્વાસ વધારનારી જીત સાથે કર્યો.પૂલ છ માં રહેલી ભારતીય ટીમ કોરિયા, મલેશિયા અને સિંગાપોર સામે રમશે. ભારતીય ટીમ ૩૦ મેના રોજ મલેશિયા સામે પોતાના અભિયાનની શરૂઆત કરશે, ત્યારબાદ ૩૧ મેના રોજ કોરિયા સામે તેનો આગામી મુકાબલો રમશે. ભારતીય ટીમ ૨ જૂનના રોજ પૂલ સ્ટેજની અંતિમ મેચમાં સિંગાપોરનો સામનો કરશે. પૂલ છ અને મ્ માંથી ટોચની બે ટીમો ૫ જૂનના રોજ સેમિફાઇનલમાં પહોંચશે, જ્યારે ટુર્નામેન્ટની ફાઇનલ ૬ જૂનના રોજ રમાશે.