ફૂટબોલના દિગ્ગજ લિયોનેલ મેસ્સીએ ફરી એકવાર ઈતિહાસ રચ્યો છે. આજેર્ન્ટિનાના કેપ્ટને ફિફા વર્લ્ડકપ ૨૦૨૬માં જાેર્ડન સામે અદભુત ફ્રી-કિક ગોલ કરીને એવો રેકોર્ડ બનાવ્યો જે કોઈ અન્ય ફૂટબોલરે ક્યારેય હાંસલ કર્યો નથી. મેસ્સી હવે સતત ૭ ફિફા વર્લ્ડકપ મેચમાં ગોલ કરનાર પ્રથમ ખેલાડી બન્યો છે. ડલ્લાસમાં રમાયેલી મેચમાં આજેર્ન્ટિનાએ જાેર્ડનની ટીમને ૩-૧થી હરાવી શામદાર પ્રદર્સન કર્યું છે.

ડલ્લાસમાં રમાયેલી ગ્રુપ J મેચમાં આજેર્ન્ટિના પહેલાથી જ આગળના રાઉન્ડ માટે ક્વોલિફાય થઈ ગયું હતું, તેથી મેસ્સીનો શરૂઆતની ઈલેવનમાં સમાવેશ કરવામાં આવ્યો ન હતો. તે મેચની ૬૦મી મિનિટે લૌટારો માર્ટિનેઝની જગ્યાએ મેદાનમાં આવ્યો. પછી ૮૦મી મિનિટે આજેર્ન્ટિનાને પેનલ્ટી બોક્સની બહાર ફ્રી કિક મળી. મેસ્સીએ પોતાના શાનદાર અંદાજમાં બોલને દિવાલમાંથી પસાર કરીને સીધો ગોલના ખૂણામાં લઈ ગયો.

આ ગોલ સાથે લિયોનેલ મેસ્સીએ સતત ૭ વર્લ્ડકપ મેચોમાં ગોલ કરવાનો અનોખો રેકોર્ડ બનાવ્યો. આ પહેલા આ સિદ્ધિ ફ્રાન્સના જસ્ટ ફોન્ટેન અને બ્રાઝિલના દિગ્ગજ જાયરઝિન્હોના નામે હતી, જેણે સતત ૬ વર્લ્ડ કપ મેચોમાં ગોલ કર્યા હતા. મેસ્સીએ બંનેને પાછળ છોડી દીધા અને નવો ઈતિહાસ રચ્યો. લિયોનેલ મેસ્સીનો રેકોર્ડ ૨૦૨૨ ફિફા વર્લ્ડકપના પ્રી-ક્વાર્ટર ફાઈનલમાં શરૂ થયો હતો. ત્યારબાદ તેને ફ્રાન્સ સામે ક્વાર્ટર ફાઈનલ, સેમીફાઈનલ અને ફાઈનલમાં ગોલ કર્યા હતા. વર્તમાન વર્લ્ડકપમાં તેને અલ્જેરિયા સામે હેટ્રિક સાથે ઝુંબેશની શરૂઆત કરી, પછી ઓસ્ટ્રિયા સામે ૨ ગોલ કર્યા, અને હવે જાેર્ડન સામે ફ્રી-કિક સાથે તેનો સિલસિલો ૭ મેચ સુધી લંબાવ્યો. આ ગોલ સાથે લિયોનેલ મેસ્સીના હવે ફિફા વર્લ્ડકપમાં કુલ ૧૯ ગોલ થઈ ગયા છે. આ તેના કરિયરનો ૭૨મો ફ્રી-કિક ગોલ અને આજેર્ન્ટિના માટે ૧૨મો ફ્રી-કિક ગોલ હતો. મેસ્સીના હવે ઈન્ટરનેશનલ ફૂટબોલમાં ૨૦૨ મેચમાં ૧૨૩ ગોલ છે. તે સૌથી વધુ ઈન્ટરનેશનલ ગોલ કરવાના મામલે બીજા નંબરે છે.આ લિસ્ટમાં પોર્ટુગલનો સ્ટાર ફૂટબોલર ક્રિસ્ટિયાનો રોનાલ્ડો ૧૪૫ ગોલ સાથે ટોપ પર છે. તાજેતરમાં મેસ્સી વર્લ્ડકપમાં સૌથી વધુ ગોલ કરનાર ખેલાડી બન્યો છે.