G7 સમિટ ૨૦૨૬ દરમિયાન, પ્રધાનમંત્રી નરેન્દ્ર મોદીએ યુએસ પ્રમુખ ડોનાલ્ડ ટ્રમ્પ સાથે એક ખાસ મુલાકાત પણ કરી હતી, જ્યાં બંને વૈશ્વિક નેતાઓ વચ્ચે ખૂબ જ ગરમ અને મૈત્રીપૂર્ણ વાતાવરણ જાેવા મળ્યું હતું. 

પ્રધાનમંત્રી નરેન્દ્ર મોદી મંગળવારે ફ્રાન્સમાં એવિયન-લેસ-બેન્સ ખાતે ૧૭ જૂન સુધી યોજાનાર G7 સમિટમાં ભાગ લેવા માટે પહોંચ્યા હતા. ભાગીદાર દેશ તરીકે ભારતની આ સમિટમાં ભાગીદારી મુખ્ય વૈશ્વિક અર્થતંત્રોના પ્રતિષ્ઠિત મેળાવડામાં ૧૩મી હાજરી છે, જ્યારે પીએમ મોદીની હાજરી આ ફોરમમાં તેમની સતત સાતમી ભાગીદારીનું પ્રતિનિધિત્વ કરે છે.વડાપ્રધાન મોદી મંગળવારે ફ્રાન્સના એવિયન પહોંચ્યા હતા,જ્યા વૈશ્વિક મંચ પર ભારતનું પ્રતિનિધિત્વ કર્યું હતું,

જ્યાં G7 સમિટના ભવ્ય સ્થળ પર ફ્રાન્સના રાષ્ટ્રપતિ ઇમેન્યુઅલ મેક્રોન દ્વારા તેમનું ઉષ્માભર્યું સ્વાગત કરવામાં આવ્યું હતું. આ સમિટમાં, પીએમ મોદી વૈશ્વિક અર્થતંત્ર, સુરક્ષા, આબોહવા પરિવર્તન અને તકનીકી સહયોગ જેવા મહત્વપૂર્ણ મુદ્દાઓ પર અન્ય વિશ્વ નેતાઓ સાથે ઉચ્ચ સ્તરીય ચર્ચામાં ભાગ લેશે, જે ભારત-ફ્રાન્સ દ્વિપક્ષીય સંબંધો તેમજ વૈશ્વિક રાજદ્વારીને નવી ગતિ આપશે. પ્રધાનમંત્રી મોદી G7સમિટમાં ભાગ લેવા માટે ફ્રાન્સના પહોંચ્યા પછી, તેમણે સોશિયલ મીડિયા પર પોસ્ટ કરી અને વિશ્વના ટોચના નેતાઓ સાથે વૈશ્વિક મુદ્દાઓ પર ચર્ચા કરવા માટે ઉત્સુકતા વ્યક્ત કરી હતી.