બેંગલુરુ: આઇપીએલ ૨૦૨૬ની પહેલી મેચમાં રોયલ ચેલેન્જર્સ બેંગ્લોર ચિન્નાસ્વામી સ્ટેડિયમ ખાતે સનરાઇઝર્સ હૈદરાબાદનો સામનો કરશે. બંને ટીમોની મજબૂત બેટિંગ લાઇન-અપને જાેતાં, આ મેચ ઉચ્ચ સ્કોરિંગ અને રોમાંચક બનવાની અપેક્ષા છે. આઇપીએલ ૨૦૨૬ શનિવારથી શરૂ થશે, જેમાં ડિફેન્ડિંગ ચેમ્પિયન રોયલ ચેલેન્જર્સ બેંગ્લોર અને સનરાઇઝર્સ હૈદરાબાદ વચ્ચે ઓપનિંગ મેચ રમાશે. આ મેચ બેંગલુરુના એમ ચિન્નાસ્વામી સ્ટેડિયમ ખાતે રમાશે. વર્ષોની રાહ જાેયા પછી, આરસીબી એ તેમનું પહેલું આઇપીએલ ટાઇટલ જીત્યું, અને ટીમ નવી સીઝનની શરૂઆત એ જ આત્મવિશ્વાસ સાથે કરવા માંગશે. આરસીબીની બેટિંગ આ સિઝનમાં ઘણી મજબૂત દેખાય છે. વિરાટ કોહલી અને ફિલ સોલ્ટ ઇનિંગની શરૂઆત કરે તેવી શક્યતા છે. કેપ્ટન રજત પાટીદાર અને દેવદત્ત પડિકલ મિડલ ઓર્ડરમાં મુખ્ય ભૂમિકા ભજવશે. ટિમ ડેવિડ અને રોમારિયો શેફર્ડ ફિનિશિંગની જવાબદારી સંભાળશે.જાેશ હેઝલવુડની ગેરહાજરીમાં, ભુવનેશ્વર કુમાર અને કૃણાલ પંડ્યા બોલિંગ વિભાગમાં મુખ્ય જવાબદારી સંભાળશે. હેઝલવુડ ઓસ્ટ્રેલિયામાં પોતાની ઈજામાંથી સ્વસ્થ થવા માટે કામ કરી રહ્યો છે અને પછીથી ટીમમાં જાેડાઈ શકે છે. જાતીય સતામણીના આરોપોનો સામનો કરી રહેલા દયાલ આખી સિઝન માટે બહાર રહેશે. આરસીબીને અનુભવી ફાસ્ટ બોલર ભુવનેશ્વર કુમાર, સ્પિનર કૃણાલ પંડ્યા, સુયશ શર્મા અને ડાબા હાથના ફાસ્ટ બોલર મંગેશ યાદવ પર ખૂબ આધાર રાખવો પડશે. ગયા સિઝન સનરાઇઝર્સ હૈદરાબાદ માટે સારી નહોતી રહી, જે પોઈન્ટ ટેબલમાં છઠ્ઠા સ્થાને રહી હતી. આ વખતે, ટીમ વધુ સારા પ્રદર્શનની આશા રાખશે. સનરાઇઝર્સ કેપ્ટન પેટ કમિન્સ પણ શરૂઆતના તબક્કામાં ટીમમાંથી ગેરહાજર રહેશે. ઇશાન કિશનને કાર્યકારી કેપ્ટન તરીકે નિયુક્ત કરવામાં આવ્યા છે. ટ્રેવિસ હેડ અને અભિષેક શર્મા ઝડપી શરૂઆત આપવાનો પ્રયાસ કરશે. ઇશાન કિશન અને હેનરિક ક્લાસેન મધ્યમ ક્રમમાં મુખ્ય ભૂમિકા ભજવશે, લિયામ લિવિંગસ્ટોન નીચલા ક્રમને મજબૂત બનાવશે.એમ ચિન્નાસ્વામી સ્ટેડિયમની પીચ ટી૨૦ મેચો માટે બેટિંગ માટે ખૂબ જ અનુકૂળ માનવામાં આવે છે. ટૂંકી બાઉન્ડ્રી અને ફ્લેટ વિકેટ બેટ્સમેનોને મુક્તપણે રમવાની મંજૂરી આપે છે. ઝડપી બોલરોએ બુદ્ધિપૂર્વક બોલિંગ કરવાની જરૂર પડશે, જ્યારે સ્પિનરોએ બોલને રોકીને અને ટર્ન જનરેટ કરીને પ્રભાવ પાડવાની જરૂર પડશે. ગયા વર્ષે ૪ જૂને, આરસીબીના ટાઇટલ વિજેતા ઉજવણી દરમિયાન સ્ટેડિયમની બહાર થયેલી નાસભાગમાં ૧૧ લોકોના મોત થયા હતા. કર્ણાટક રાજ્ય ક્રિકેટ એસોસિએશન અને આરસીબી મેનેજમેન્ટે આ ઘટનામાં જીવ ગુમાવનારાઓની યાદને જાળવી રાખવા માટે પગલાં લીધા છે.કેએસસીએએ જાહેરાત કરી છે કે સ્ટેડિયમમાં ૧૧ બેઠકો કાયમી ધોરણે ખાલી રહેશે. આરસીબી ખેલાડીઓ પ્રથમ મેચના દિવસે પ્રેક્ટિસ સત્રો દરમિયાન ૧૧ નંબરની જર્સી પહેરશે.