સાઓ પાઉલો

બ્રાઝીલમાં કોપા અમેરિકા ફૂટબોલ દરમિયાન કોરોનાવાયરસ ચેપની સંખ્યા વધીને ૧૪૦ થઈ ગઈ છે. કોનમેબોલએ એક નિવેદનમાં કહ્યું કે ૧૫૨૩૫ પરીક્ષણો કરાયા હતા અને ચેપગ્રસ્ત લોકોની ટકાવારી ૦.૯ છે.

સાઉથ અમેરિકન ફુટબોલ ફેડરેશને સોમવારે કહ્યું કે મોટાભાગના ચેપગ્રસ્ત લોકો કર્મચારીઓ, બહારના સ્ટાફ અને ટીમના સભ્યો છે." અગાઉની તુલનામાં ચેપનો દર નીચે આવી ગયો છે, જે સાબિત કરે છે કે આરોગ્ય પ્રોટોકોલનું કડક પાલન કરવામાં આવી રહ્યું છે.

ચિલીએ રવિવારે સ્વીકાર્યું કે તેના કેટલાક ખેલાડીઓએ પ્રોટોકોલનું ઉલ્લંઘન કર્યું હતું જ્યારે એક હજામને તેમની હોટલ પર વાળ કાપવા માટે બોલાવ્યો હતો. ચિલીયન ફૂટબોલ એસોસિએશન દ્વારા ખેલાડીઓના નામ અથવા સંખ્યા જાહેર કરવામાં આવી નથી પરંતુ કહ્યું કે તેઓને દંડ કરવામાં આવશે.